Dýisenbi, 17 Mamyr 2021
Ne deydi?! 5027 13 pikir 26 Aqpan, 2018 saghat 11:44

Bergey Rysqaliyev tiri eken

Kýni býginge deyin Atyraudyng eks-әkimi Bergey Rysqaliyevke qatysty týrli qaueset aitylyp kelgen edi. Qyzmetinin alshaqtatylghannan keyin Bergey Rysqaliyevting óli-tirisi belgisiz bolghan. Júrt ishinde aghayyndy Rysqaliyevterge qastandyq jasalghany turaly alyp-qashpa әngimeler de aitylyp jýrdi.

Sóitsek, eks-әkim Bergey Rysqaliyev din-aman, tiri bolyp shyqty. Onyng tiri ekenin sayasatker Serikjan Mәmbetalin ózining әleumettik jelidegi jeke paraqshasynda habarlady. Sayasatker "Feysbuk" jelisindegi jeke paraqshasynda Bergeymen týsken suretin jariyalap, az-kem pikir bildirgen.

"Men 90-shy jyldardyng basynda, shaghyn biznespen ainalysqan kezde, Batystyng bir jigitimen tanystym. Esimi Bergey bolatyn. Sodan beri әrqaysymyz óz jolyn tandap jýrdik, tek jaqynda Londonda kezdesip qaldyq",-deydi sayasatker. El-júrt ekiúday pikirde jýrgen eks-әkimge Britaniya biyligi bosqyn mәrtebesin bergen eken.

"Kesheden beri jemqorlyqqa qarsy is-qimyl Agenttigi Bergey Rysqaliyevti tergeu mәselesimen Astanagha shaqyryp jatyr.  Bergey əkim bolyp taghayyndaluynyng aldynda salyq deklarasiyasyn jariyalap, bay biznesmen bolghanyn dәleldedi. Ol iyemdengen zauyttar, múnay ken oryndary jәne dýken jelilerining qúny – 150 million AQSh dollaryna juyq", - deydi Mәmbetaliyn. Oghan qosa, aghayyndy Rysqaliyevterding ekeuining de din-aman ekeni jitkizip, Astana shaqyrtuy boyynsha Qazaqstangha kele almaytynyn aitypty.

“Bergey Rysqaliyev pen onyng inisi jayynda týrli әngime aitylady. Olar din aman. Aghayyndylargha Úlybritaniya ýkimeti sayasy bosqyn mәrtebesin bergen. Aghylshyn zany boyynsha olar Astanagha kelip, Sybaylas jemqorlyqqa qarsy agenttikke týsinikteme bere almaydy.",-deydi Serikjan Mәmbetaliyn.

Sayasatker Serikjan Mәmbetalinning jazbasy arqyly Bergey Rysqaliyev internette júrtpen jýzdeuge әzir ekenin de bildik.

"Meninshe, ol skayp arqyly jauap bere alady. Múnysy biylikke de, elge de dúrys bolady dep oilaymyn. Al Ol kinәli me, joq pa, ony tәuelsiz sot sheshui kerek. Onday sot Qazaqstanda bolghan emes",-dep týiindeydi jazbasyn.

Sóitip Serikjan Mәmbetalinning jazbasynan bilgenimiz - júrt joqqa balap jýrgen Bergey Rysqaliyev tiri eken. Kópshilik óldige balap jýrgen adamdardyng oida-joqta tabyla ketui de kýdik tughyzatyny ras-aq. Kim bilsin, biz baqilyq dep jýrgen keybireuler de erteng tiri tabylyp qaluy mýmkin ghoy...

 

 

Abai.kz

13 pikir