Memlekettik qyzmet isteri jәne

sybaylas jemqorlyqqa qarsy is-qimyl

agenttigining tóraghasy A. Shpekbaevtyn

jәne

Ishki ister ministri Q. Qasymovtyng nazaryna

Astana qalalyq kóshi-qon polisiyasy qyzmeti basqarmasy Qytay Halyq Respublikasynan kóship kelip, túraqty tirkeuge túrugha jәne azamattyq alugha ótinish bildirgen qandastarymyzdan qújat qabyldaudyng eshbir qala men oblystarda joq jap-jana «ýlgisin» jasap alypty.

Atap aitar bolsaq, atalghan basqarma túraqty tirkeuge túrugha jәne azamattyq alugha ótinish bildirgen qandastarymyzdan qújat qabyldaghanda qandastarymyzdyng ótinishin, ómirbayanyn tóte jazumen (Ahmet Baytúrsynúly әlipbiyimen) jazdyrtyp jәne saualnama-ótinishin tóte jazumen (Ahmet Baytúrsynúly әlipbiyimen) toltyrtyp, ony audarma ortalyqtaryna bizding qazirgi qoldanystaghy kirillisa audartyp, ol audarmany notariuspen bekittirip baryp qabyldauda.

Zangha jýginer bolsaq, Qazaqstan Respublikasy Ishki ister ministrining 2015 jylghy 4 jeltoqsandaghy №992 jәne 2016 jylghy 28 qantardaghy №85 búiryqtary bar.

Sol eki Búiryqta túraqty túrugha jәne Qazaqstan Respublikasynyng azamattyghyna qabyldau turaly ótinishhatqa (ótinishke) qanday qújattar kerek ekeni ashyq jazylghan.

Mysaly, mynau Qazaqstan Respublikasynda uaqytsha jәne túraqty túrugha ótinish bergen qandastarymyzdan talap etetin qújattar tizimi:

1) Qazaqstan Respublikasynda túraqty túrugha rúqsatty beru turaly ótinish-saualnama;

2) ótinish berushining últtyq pasportynyng kóshirmesi jәne týpnúsqasy, azamattyghy joq adamnyng qújaty, jaramdylyq merzimi ótinish bergen kýni kýntizbelik 180 kýnnen astam boluy tiyis;

birlesken ótinish bergen kezde balanyng tuu turaly kuәligi nemese 16 jasqa tolmaghan balanyng jeke basyn rastaytyn balanyng tuu turaly kuәligi nemese basqa qújattyng kóshirmesi jәne týpnúsqasy (salystyra tekseru ýshin);

3) onyng azamattyghy bar nemese túraqty túratyn memleketining jazbasha kelisimi, ol ketu paraghy ne shetelge túraqty túrugha arnalghan rúqsatty rastaytyn basqa qújat retinde jýrui mýmkin (bosqyndar dep tanylghan nemese Qazaqstan Respublikasynda pana úsynylghan sheteldikter men azamattyghy joq adamdardy jәne eger halyqaralyq shartta ózgeshe kózdelmese, Qytay Halyq Respublikasynan keletin etnikalyq qazaqtardy qospaghanda);

4) ótinishhat berushining qolymen memlekettik ne orys tilindegi ómirbayan;

5) etnikalyq qazaqtardy, búrynghy otandastardy, Qazaq Kenestik Sosialistik Respublikasynda nemese Qazaqstan Respublikasynda tughan nemese búryn onyng azamattyghynda bolghan adamdardy, sonday-aq Qazaqstan Respublikasynyng halyqaralyq sharttar negizinde jenildetilgen tәrtipte Qazaqstan Respublikasynyng azamattyghyn alugha qúqyghy bar adamdardy jәne olardyng otbasy mýshelerin qospaghanda, "Qazaqstan Respublikasynda túraqty túrugha rúqsattar alugha ýmitker sheteldikterding jәne azamattyghy joq adamdardyng Qazaqstan Respublikasynda bolu kezeninde ózderining tólem jasau qabilettigin rastau erejesin bekitu turaly" Qazaqstan Respublikasy Ýkimetining 2003 jylghy 26 qarashadaghy № 1185 qaulysyna sәikes ózining tólem qabilettiligin rastau turaly qújat;

6) azamattyghy tiyesililigi nemese túraqty túratyn memlekette sottylyghy (sottylyghynyng bolmauy) turaly tiyisti memleketting qúzyretti organy bergen qújat (Qytay Halyq Respublikasy azamattarynyng etnikalyq qazaqtaryn qospaghanda, eger ózge halyqaralyq sharttarda kózdelmese);

7) Qazaqstan Respublikasynda túraqty túrugha 14-ten 18 jasqa deyingi balanyng notarialdy kuәlandyrylghan kelisimi;

8) ótinish berushige túrugha túrghyn ýy úsynu jәne túraqty tirkeu esebine qoy turaly jeke jәne zandy túlghamen notarialdy kuәlandyrylghan shart ne notarialdy kuәlandyrylghan kelisim;

9) "Sheteldikterde jәne azamattyghy joq adamdarda boluy olardyng Qazaqstan Respublikasyna keluine tyiym salatyn aurulardyng tizbesin bekitu turaly" Qazaqstan Respublikasy Densaulyq saqtau ministrining 2011 jylghy 30 qyrkýiektegi № 664 búiryghyna (Normativtik qúqyqtyq aktilerdi memlekettik tirkeu tiziliminde 2011 jylghy 24 qazanda № 7274 bolyp tirkeldi) sәikes sheteldikter men azamattyghy joq adamdargha keluge tyiym salynatyn syrqattardyng bar-joghy turaly sheteldikting medisinalyq kuәlandyru turaly anyqtamasy;

10) mólsheri 35h45 mm 1 fotosuret;

11) tiyisti memleketting qúzyretti organy bergen basqa memleketting azamattyghynyng bolmauy jәne toqtatyluy turaly anyqtama (azamattyghy joq adamnyng kuәligi joq azamattyghy joq adam ótinish bergen kezde).

Al, mynau Qazaqstan Respublikasynyng azamattyghyna ótinish bergen qandastarymyzdan talap etetin qújattar tizimi:

1) búrynghy azamattyqtan bas tartu turaly notarialdy kuәlandyrylghan ótinish;

2) osy Qaghidalargha 4-qosymshagha sәikes nysan boyynsha saualnama-ótinish;

3) ólshemi 3,5h4,5 sm tórt fotosuret;

4) osy Qaghidalargha 6-qosymshagha sәikes nysan boyynsha Zannyng 1-babynda kózdelgen sharttardy saqtau turaly mindettemesi;

5) jeke basty kuәlandyratyn jәne basqa memleketting azamattyghyna tiyesiligin rastaytyn qújattyng kóshirmesi;

6) Qazaqstan Respublikasynyng aumaghynda túraqty túratyn oralmandar – oralmannyng kuәligi;

7) joghary oqu oryndarynda oqityn etnikalyq qazaqtar – osy oqu orynda oqityn faktisin rastaytyn joghary oqu ornynan anyqtama;

8) últyn rastaytyn anyqtama;

9) memlekettik baj salyghyn tólegeni nemese ony tóleuden bosatylghany turaly qújat.

10) sayasy qughyn-sýrginning qúrbandary bolyp tabylatyn adamdar – aqtalghany turaly sottyng sheshimi nemese sayasy qughyn-sýrgin qúrbandarynyng úrpaghy bolyp tabylatynyn rastaytyn qújattar.

Kórip otyrsyzdar, atalghan Búiryqtarda pasport, tuu turaly kuәlik, búrynghy azamattyghynan bas tartu turaly ótinish, oralman kuәligi ghana  notarialdy kuәlandyru mindettelgen.

Al, túraqty tirkeuge túrushylar men azamattyqqa qújat tapsyrushylar ótinishin, ómirbayanyn jәne saualnama-ótinishin ózge әlipbiymen jazyp, kirillisagha audartyp, ol audarmany notariuspen bekittiredi dep esh jerde jazylmaghan.

Qandastarymyzdyng aituyna qaraghanda, bir bet qaghazdy tóte jazudan kirillisagha audaru pәlenbay myng tenge túrady eken. Oghan aparyp, notariustyng aqysyn qosynyz. Basqan artyq jol, ketken uaqyt, bosqa shyghyndalghan aqshany oilap jatqan kóshi-qon polisiyasy qyzmeti basqarmasy joq!

Bir qarap, Úly Dala Elining Últ Kóshbasshysy Núrsúltan Nazarbaev  latyn әlipbiyine kóshu turaly Jarlyqqa qol qoyyp, Elimiz ýshinshi ónerkәsiptik revolusiya jasap jatqan tústa, Astana qalalyq kóshi-qon polisiyasy qyzmeti basqarmasynyng 20-ghasyrgha keri sheginis jasap jatqanyna kýlking keledi eken.

Qytaydyng qúqayynan әbden zәtte bolghan bayqús qazaqtar kirillisagha emes, latyn jazuymen jazdyryp, aghylshyn tiline audartyp kel dese de býgejektep «Maqúl, taqsyr!» degenge dayyn túratyn kórinedi. Eger, erkine jibersen, kóshi-qon polisiyasy qyzmetkerleri úyalmay-qyzarmay búl qadamgha da baruy mýmkin!

Qazir Elimizde «Sifrly Qazaqstan» memlekettik baghdarlamasyn jýzege asyru boyynsha alyp qadamdar jasalyp jatyr. Ótinish pen ómirbayanyndy qolmen jazyp otyrmay-aq, kompiutermen tergizip kel dese, oghan quana-quana kelisuge bolady. Al,  saualnama-ótinishti  kóshi-qon polisiyasy qyzmetkeri qandastarymyzdan betpe-bet súrap otyryp, ózi toltyrsa, qoly qarysyp qalmaydy ghoy.

Qysqasy, búl – Zangha jasalyp jatqan qasaqana qayshylyq! Odan qala berdi, qandastarymyzdy, kózin baqyraytyp qoyyp, qorlau!

Odan da soraqysy búl shekten shyqqan burokratiya! Tipti, audarmashylarmen jeng úshynan jalghasqan sybaylas jemqorlyq ta boluy mýmkin!

Astana – Qazaqstannyng bedeli. Jalpy Qazaqstan halqy túrmaq, býkil dýniyejýzi Elordamyzgha kóz tigip, baqylap otyrady. Astananyng әr mekemesi túramaq, әrbir túrghyny basqa ónirge ýlgi, ónege kórsetuge mindetti!

Sol ýshin, Memlekettik qyzmet isteri jәne sybaylas jemqorlyqqa qarsy is-qimyl agenttigining tóraghasy Alik Shpekbaev pen Ishki ister ministri Q. Qasymovtan búl mәseleni tekserip, jónge saludy, osy kelensizdikke jol bergen  Astana qalalyq kóshi-qon polisiyasy qyzmeti basqarmasy basshysy men qyzmetkerining jauapkershiligin qarastyrudy jәne orynsyz shyghyngha úshyraghan qandastarymyzdyng qarjysyn óndirip berudi ótinem!

Auyt Múqiybek

 18.04.2018

Astana

Abai.kz