Düysenbi, 25 Mausım 2018
Masqara! 1176 10 pikir 11 Mausım, 2018 sağat 12:42

Äjethanası qanday bolsa, jağdayı da sonday...

Bwl - Almatı oblısı, Panfilov audanınıñ territoriyasındağı "Qorğas" şekaralıq baqılau punkti. El auzında "Qorğastıñ kol'cosı" dep atalıp ketken jer - osı. Bwl jerden kün sayın Qazaqstan-Qıtay bağıtında jük kölikteri ötedi. Ädetki künde bwl jerde kezek kütip twratın jük kölikteriniñ sanı 100-den asıp jığıladı. Odan äri 150-200 metr jerde jeñil kölikter ötetin post ornalasqan.

Ötkende Qazaqstannıñ şekaraşıları elge zañsız jolmen kirdi dep twtqındağan Sayragül Sauıtbaydıñ soñınan bir top jurnalist Qorğasqa barğanbız. Sol saparımızdan körgen mına bir wyattı mäseleni jazuğa tura keldi.

Bwl (surettegi) - sol Qorğastıñ şekarasındağı şlagbaumnıñ tap qası. Şekaranıñ bergi betinde ashana men äjethana twr.

Äueli ashana jaylı atayın. Ashana degenimiz - kädimgi kiiz üy. Mäziriniñ bağasına artıq söz aytpaymız. Ası jıldam dayınboladı eken, äri dämdi. Şekarada kün astına şıjğırılıp twrğan jwrtqa odan basqa ne kerek dersiz.

Iä, şekarada wzın-sonar kezek kütken jwrt ayaldap özek jalğaytın jalğız orın - osı. Onıñ siqı mine mınanday (suretke qarañız). Toz-tozı şıqqan, şwrıq-tesik, qırıq jamau üy. Äbden eskirgen. Körpe-jastıqtarınıñ külimsi isi kiiz üydiñ işin alıp ketken. Jwrtta bwdan basqa tañdau joq, sondıqtan jırtıq - jamau üyge kirip as işedi.

Odan äri äjethana bar. Wyat ta bolsa jazuğa tura keledi. Däret qısqan jwrt osı därethanağa baradı. Qarnı aşıp nemese şöldegen jwrt älgi "ashanadan" özek jalğap, şöl basadı. Basqa al'ternativa körgen joqpız. "Äjethanası qanday bolsa, eliniñ jağdayı sonday eken" dep oylaytındar joq deysizder me?.. Bireuge aytsañız senbeytin şığar, biraq,  künine mıñ-millionnıñ saudası ötip jatqan ataqtı "Qorğas" kedeniniñ qasındağı äjet ötep, as işetin jerdiñ türi mınau...

Ol ol ma, ashananıñ qasındağı äjethanağa otıra da almaysıñ. Esiginiñ ilgegi joq. Äbden şirip, tozıp bitken qañıltır. Töbesi joq. YAğni, jauındı küni baru tipti mümkin emes. Jä, amal joq bardıñ. Onda äjet öteu processiniñ asqandı azaptaytın forması jaylı tipti, jazuğa jiinkenişti. Biraq, şındıq. 

Osı şındıqtı körip, moyındap twrıp meniñ oyma ne keldi deysiz ğoy? Meniñ oyıma  2017 jılı 3 milliard dollar jwmsap, EKSPO körmesin ötkizgenimiz keldi. 2011 jılı 1,682 milliard jwmsap, Aziyada ötizdik. Anağan milliard, mınağan milliard  jwmsap jatırmız. Ol azday, körşi-qolañğa gumanitarlıq kömek dep, milliondap tağı berip jatırmız. Tipti, Astananıñ tuğan künine 19 milliard teñge jwmsamaqpız. Söyte twra jöndi tualetimiz joq. Paradoks. Endeşe qwr pafos kimge kerek?

Bwl jer eki eldiñ şekarası ğana emes, bwl jerden kün sayın qanşama şeteldik azamat ötip jatır. Olardıñ qazaq şekarasın beri attay bere köretini:  qırıq jamau kiiz üy men qañıltır tualet. Masqaranıñ kökesi osı emes pe?! Jöndi äjethana sala almay jatıp, jahandanu ozıq otız eldiñ qatarınan tabıludan dämelimiz-ä?..

Qosımşa: Biz Almatı oblısınıñ sub'ektisine kiretin Panfilov audanına qarastı Qorğas şekaralıq baqılau beketinde ornalasqan jerdegi wsqını ketken körinisti söz qıldıq. Demek,bwğan Panfilov audanınıñ äkimi jauap berui kerek. Panfilov audanınıñ äkimi - Bektasov Temirlan Amangeldiwlı eken. Osı kisi bir şara qabıldaydı dep seneyik. 

Tüyin. Ärine, eldiñ jağdayın äjethanamen salıstıru - artıq ta şığar. Degenmen, joğarıdağı jağdaydı közben körgen soñ, aşı da bolsa, osılay jazuğa tura keldi. Äjethana degenimiz - tazalıq qana emes,  el mädenieti men äleumettik twrmısınıñ naqtı  körinisi de bolsa kerek...

Nwrgeldi Äbdiğaniwlı

Abai.kz

10 pikir