Düysenbi, 25 Mausım 2018
Äne, kördiñ be? 1362 4 pikir 14 Mausım, 2018 sağat 14:01

Qalmwhanbet Qasımov. 17 mıñ şeteldikke Qazaqstanğa kiruge tıyım salınğan

Ötken jıldan bastap 17 mıñnan astam şetel azamatı Qazaqstan aumağınan şığarıldı. Olarğa 5 jıl boyı elge qayta kiruge tıyım salındı. Bwl turalı halıq aldında esep bergen QR Işki ister ministri Qalmwhanbet Qasımov ayttı, dep habarlaydı Baq.kz tilşisi.

«İşki ister ministrligi köşi-qon legin baqılaudı küşeytti. Ötken jılı elimizde 2,5 millionnan astam şeteldik bolıp qaytsa, sonday mölşerdegi şetel azamat bizdiñ el arqılı ötken. 20 eldiñ azamattarı üşin vizasız kelu tärtibi engizildi, 45 eldiñ azamatı 30 täulikke deyin vizalıq räsimdersiz jäne tirkeusiz jüre aladı. Osınday jağdaylar policiyadan köşi-qon rejiminiñ senimdiligin qamtamasız etudi jäne zañsız köşi-qonğa qarsı is-qimıldı küşeytudi talap etedi», - dedi Qasımov.

Ministrdiñ aytuınşa, ötken jıldan bastap köşi-qon zañnamasın bwzğan 141 mıñ şetel azamatı äkimşilik jauapqa tartıldı. Olardıñ 17 mıñnan astamı el aumağınan şığarıldı. Bwl azamattarğa 5 jıl boyı Qazaqstanğa qayta kiruge tıyım salındı.

«Aldağı uaqıtta jergilikti atqaruşı organdardıñ qoldauımen öñirlerde arnayı Köşi-qon qızmetin körsetu ortalıqtarın qwru josparlanğan. Bwnday pilottıq joba Astanada qolğa alındı», - dedi Qalmwhanbet Qasımov.

Abai.kz

4 pikir