Düysenbi, 17 Mausım 2019
2050 1 pikir 19 Şilde, 2018 sağat 15:30

Tarbağataydan tağı da "Altın adam" tabıldı

ŞQO, Tarbağatay taularındağı Eleke sazında arheologiyalıq jwmıstar nätijesinde  2 nısannan altın zattar tabıldı, - dep habarlaydı Altayn'yus tilşisi oblıs äkiminiñ baspasöz qızmetine silteme jasap.

Büginde Eleke sazı aumağındağı 3 nısanda bir ay boyı qazba jwmıstarı jürip jatır. Ayta ketu kerek, atqarılıp jatqan istiñ aytulı nätijesi de bar. Tarih ğılımdarınıñ doktorı Zeynolla Samaşevtiñ mälimdeuinşe, Tarbağatay taularındağı Eleke sazındağı 2 nısannan altın zattar tabılğan.

“Bwl – «Altın adam»  degen wğımğa säykes keletin eskertkişterdiñ biri dep aytuğa boladı”,- deydi ğalım.

Qazirgi uaqıtta 3000-ğa juıq altın bwyım tabılğan. Boljam boyınşa Saq däuirindegi, yağni, b.z.d 8-7 ğasırğa jatatın bekzadalar men hanşayımdarğa tiesili zattar boluı mümkin. Äsirese, äyel azamattarınıñ altın äşekeyleri, är formadağı monşaqtar jäne kiimderine arnalğan japsırmalar men qapsırmalar öte köp. Sonımen qatar altınnan soğılğan at äbzelderi de bar.

“Sol däuirdegi şeberlerdiñ altın bwyımdardı jasau tehnologiyası tañ qaldıradı. Zergerler diagonalı 1 mm bolatın altın monşaqtardı tesip, kiimderdi kömkergen. Bwl degeniñ sol zamandağı joğarı mädeniet pen ozıq tehnologiyanıñ qoldanısta bolğandığın, yağni olardıñ ğajayıp dala örkenietiniñ iesi ekendigin  ayğaqtaydı”,-deydi arheologtar.

Şığıs Qazaqstan oblısınıñ äkimi Danial Ahmetovtiñ bastamasımen öñirde 2016 jıldan beri tabıstı türde arheologiyalıq qazbalar men ğılımi zertteu jwmıstarı bastaldı. «Ruhani jañğıru» bağdarlaması ayasında qabıldanğan «Köne qazınalar» jobası şeñberinde alğaşqı jılı Katonqarağay audanındağı Berel, Zaysan audanındağı Şilikti qorğandarı, Wlan audanındağı Ablaykit qorğan-monastıri, Tarbağatay audanındağı Eleke sazı men Abay audanındağı Qırıqüñgir eskertkişi zerttelindi. Qazba jwmıstarı elimizdiñ jetekşi arheologtarı Zeynolla Samaşev, Äbdeş Töleubaev jäne Karl Baypaqov jetekşiligimen jürgizilip keledi.

Biıl osı bağdarlama ayasında Katon-Qarağay audanındağı Berel qorımı men Tarbağatay audanındağı Eleke sazında jwmıstar jalğasın taptı.

Abai.kz

1 pikir