Seysenbi, 25 Aqpan 2020
Qoğam 2110 10 pikir 6 Jeltoqsan, 2018 sağat 19:05

Mäulen Äşimbaev: cifrlandıru – bügingi zamannıñ bastı talabı

Bwl turalı «Nwr Otan» partiyası Törağasınıñ Birinşi orınbasarı Mäulen Äşimbaev bügin Öskemen qalasında ötken respublikalıq «Digital East – Bolaşaqqa qadam» İT-forumında ayttı. Atalğan is-şarağa Qazaqstan Respublikası Prem'er-Ministriniñ orınbasarı Asqar Jwmağaliev pen oblıs äkimi Danial Ahmetov te qatıstı.

Jalpı soñğı kezderi Şığıs Qazaqstan oblısı cifrlandıru isi boyınşa aytarlıqtay nätijelerge qol jetkizip otır. Öñirde jastardıñ İT-tehnologiyağa degen qızığuşılığı da uaqıt ötken sayın artıp keledi. Sonday-aq oblıstağı halıqqa qızmet körsetetin mekemeler men iri öndiris oşaqtarı da cifrlandırudı igiligin körude. Osınday igi isterdiñ qorıtındısı retinde «Digital East – Bolaşaqqa qadam» İT-forumı wyımdastırılıp, aldağı mindetter naqtılandı.

Forumğa arnayı qatısqan «Nwr Otan» partiyası Törağasınıñ Birinşi orınbasarı mwnday bastamalardıñ el damuında mañızı zor ekenin ayttı.

– Cifrlandıru degenimiz – bügingi zamannıñ bastı talabı. Sondıqtan qazirdiñ özinde elimizde memlekettik qızmettiñ basım böligi cifrlı formatqa auıstırılıp, jaña ürdisterge say körsetilude. Tipti iri zauıttar men öndiris orındarında da auır jwmıstar cifrlı tehnologiyanıñ jemisin körip otır. Mwnıñ barlığı Elbasınıñ «Cifrlı Qazaqstan» bağdarlamasın jüzege asırudıñ naqtı nätijesi ekeni sözsiz. Memleket basşısı jaña Joldauında da bwl salağa erekşe män berip, innovaciyalıq jäne servistik sektorlardı damıtudıñ tiimdi tetikterin anıqtap berdi. Sonıñ nätijesinde büginde elimiz boyınşa köptegen igi ister jüzege asırılıp, osı salada bilikti, käsibi mamandar dayarlau isi qolğa alındı. Bügingi İT-forumdı da sonday tıñ bastamalardıñ igi nätijesi dep qarastıruımızğa äbden boladı, – dedi Mäulen Äşimbaev.

Sonımen qatar forum barısında «Üzdik İT-şeşimder men startap jobalar» bayqauınıñ jeñimpazdarı marapattaldı. Eki kezeñnen twrğan bwl bayqauğa 1500 ümitker qatıstı. Jobanıñ bastı maqsatı – tiimdi İT-şeşimder men startap bastamalardı iriktep, olardıñ jüzege asırıluına qarjılay qoldau körsetu.

Cifrlandıru isi boyınşa oblısta medicina salasında da aytarlıqtay nätijelerge qol jetkizilgenin erekşe atap ötken jön. Ol üşin Oblıstıq mamandandırılğan medicinalıq ortalıqtıñ jwmısın aytsa da jetkilikti.

Atalğan nısanğa arnayı barğan Mäulen Äşimbaev robottandırılğan hirurgiyalıq ortalıqtıñ jwmısımen tanıstı. Mwnda Italiyadan äkelingen Senhance Transenterix robotınıñ kömegimen kürdeli endoskopiyalıq otalar jasaladı. Robottandırılğan hirurgiya otanıñ däldigin arttırıp, jaraqattıñ jeñil jäne operaciyadan keyingi em-domnıñ sapalı boluın qamtamasız etedi.

Sapar soñında «Nwr Otan» partiyası Törağasınıñ Birinşi orınbasarı partiyanıñ oblıstıq aktivimen kezdesip, Elbasınıñ «Qazaqstandıqtardıñ äl-auqatınıñ ösui: tabıs pen twrmıs sapasın arttıru» attı Joldauı men jaqında jariyalanğan «Wlı dalanıñ jeti qırı» maqalasında aytılğan basımdıqtardı jüzege asıru barısın talqıladı. Mäulen Äşimbaev öz sözinde Memleket basşısınıñ atalğan qwjattarda ayqındap bergen basımdıqtarı jüyeli sipatqa ie ekenin aytıp, olardı nätijeli orındau üşin partiyanıñ aldında twrğan bastı mindetterge toqtaldı.

Abai.kz

10 pikir