Senbi, 23 Aqpan 2019
Dep jatır 1856 18 pikir 21 Jeltoqsan, 2018 sağat 07:55

Qırğızdar Qıtay elşiliginiñ aldında ereuilge şıqtı

Bişkekte Qıtay elşiliginiñ aldında miting ötti. Akciyağa qatısuşılar QHR biliginen Qıtaydağı etnikalıq qırğızdardı qudalau men qayta tärbieleu lager'lerinen bosatudı talap etti, — dep habarlaydı tengrinews.kz basılımı 24.kg saytına silteme jasap.

«Sonımen qatar biz bükil şeteldik azamattardı Qırğızstannan bir ay işinde ketuin talap etemiz. Soñğı 10 jılda şeteldik azamattarğa QR azamattığın beru zañdılığın tekseru üşin komissiya qwrılsın», — dedi «Kırk çoro» qoğamdıq qozğalısınıñ törağası Zamirbek Koçorbaev.

Kaktus.media mälimetinşe, mitingke şıqqandar qırğızstandıqtardıñ lager'de jatqanı turalı naqtı mälimettiñ joqtığın jäne tek internet arqılı bilgenin aytqan.

«Ükimet osınıñ şın ne ötirik ekenin bilsin. Eger jalğan bolsa, halıqtı tınıştaldırsın, biz alañdap otırmız. Eger şın bolsa, onda şara qoldansın», — deydi ereuilge şıqqandar.

«Kırk Çoro» wyımı öz talaptarın orındauğa 30 kün uaqıt berdi. Osı merzim ayaqtalğannan keyin olar özderi qıtaylar jwmıs isteui mümkin keñseler men kompaniyalarğa barıp tekseretinderin ayttı.

«Bwl birinşi, biraq soñğı akciya emes, osı bağıtta birneşe akciya ötkizudi josparlap otırmız. Öz otandastarımızdı basqa elde ezgi köruine jol bermeymiz. Bwl şamamen 50 mıñ qırğız», — dedi Şu oblıstıq qozğalıs kordinatorı Baktıbek Nuralı uulu.

Tayauda el prezidenti Sooronbay Jeenbekov Qıtaydağı qayta tärbieleu lager'leri turalı ündeulerge baylanıstı abay boludı jäne Qıtay azamattarınıñ ekspansiyası turalı qoğam arasında dürliktiru şaralarınan bas tartudı swrağan.

Abai.kz

18 pikir