Seysenbi, 17 Qırküyek 2019
Sañlaq 2268 3 pikir 4 Qañtar, 2019 sağat 13:22

Asa talanttı boksşılarımızdıñ biri dopingpen wstaldı

Qazaqstandıq boksşı Nazım Işanova AIBA ayasındağı jarıstardan eki jılğa şettetildi.

Sayıstan tıs uaqıtta alınğan doping-sınamada Işanovanıñ qanınan furosemid izi tabıldı. Bwl preparat doping bolıp sanalmaydı, biraq salmaq quuğa jäne tıyım salınğan därilerdiñ izin körsetpeuge kömektesedi.

Osılayşa, sportşı 2018 jıldıñ 26 qaraşası men 2020 jıldıñ 25 qaraşası arasında sayıstarğa qatısa almaydı.

Demek, talanttı boksşı 2020 jılğı Olimpiada oyındarına qatısu mümkindiginen ayırılıp qaldı. Sebebi, Tokio Olimpiadası 24 şildeden 8 tamız aralığında ötedi.

Nazım 2016 jılı Rio-de-Janeyroda ötken Olimpiadağa da bara alğan joq. Oğan Qazaqstan boks federaciyasınıñ tüsiniksiz şeşimi sebep boldı. Anığı, 2016 jılı 60 keli salmaq därejesinde el çempionı atanğan Nazım Astanada ötken äyelder arasındağı älem çempionatına (Olimpiada joldaması sarapqa salınatın) jiberilmedi. Qazaqstan çempionatında top jarsa da älem birinşiligine qatısa alğan joq. Onıñ ornına Rimma Volosenko (Nazımnan jeñilip, el çempionatında kümis alğan) Astanada joldamağa talasqan. Alayda Volosenko federaciya artqan ümitti aqtay alğan joq. Astanada ol tipti birinşi aynalımnan da asa almadı.

Bärimiz biletindey 2016 jılğı Olimpiadağa elimiz atınan Janna Şekerbekova (51 keli) men Dariğa Şäkimova (75 keli) qatısqan bolatın. Bwnıñ soñğısı qola medal' alıp, qazaq qızdarı arasınan şıqqan twñğış Olimpiada jüldegeri atandı.

Ayta keteyik, Işanova – bokstan elimizdiñ birneşe dürkin çempionı,  2013, 2015 jıldarı jastar arasındağı älem birinşilikterinde qola medal' jeñip alğan.

Abai.kz

3 pikir