Quanady barsha júrt,

Tenesti dep terezem.

Jabyrqadyng qanshalyq,

Qinalghanda Janaózen?!

 

Kórgen kezde tozaqty,

Qabaghan it talaghan

Arashalap qazaqty,

Shyqan kim bar aradan?!

 

Jeri de joq shegingen,

Aghayyndy Shetpede

Bayladyng ba ólimge,

Qimasang da ókpege.

 

Jalyndaghan jastardyn

Jýre aldyng ba qasynda,

Baypatshanyng mesqaryn

Boldyng ba әlde asynda?!

 

Qoydan juas qazaqty

Toghytqanda týrmege,

Qúlan tartyp azapty,

Jylan jatty irgede.

 

Kóbisinde shama joq,

Ózin ózi baghalar,

Albastyny agha dep,

Mansaptyny jaghalar.

 

Sorlylardyng soryna

Kelgen kisi tym biyik,

Qanghybastyng qolyna

Jýredi olar su qúiyp.

 

Kóbeygen song keshirim,

Typ-tipyl bop kekilin,

Jatqa ketti jesirin,

Shetke ketti jetimin.

 

Telmirgen song Batysqa,

Tirlik etu jenil me?

Úlyng ketti AQSh-qa,

Qyzyng ketti negrge.

 

Onyng basty sebebi –

Bizding qazaq bauyrmal,

Tenin tapsa beredi,

Súramaydy qalyng mal.

 

Jaqyndatyp alysty,

Kórding talay qúqaydy.

Agha qyldyng orysty,

Qúda qyldyng qytaydy.

 

Minse minsin jelkege,

Elding ishin shulatpa.

Kelimseging – kórpede,

Kelinsheging – tulaqta.

 

Miyng bolsa basynda,

Jaqynyndy jolatpa.

Saqtaghan bar asyng da,

Baqqan malyng – qonaqqa.

 

Aty shyghyp keledi,

Toy jasasa sarang bay.

Onyng basty sebebi

Bizding qazaq qonaqjay.

 

Auzyn ashpay jaranyn,

Qasyghan song qotyrdy,

Tajal ashyp aranyn,

Teksiz tórge otyrdy.

 

Sýiekke eti ilinip,

Tauyspaghan talqanyn

Bayghústardy quyryp

Jýrgenderden qorqamyn.

 

Kórip ómir shyjyghyn,

Sóz sóileseng kýnúzyn,

Shalap bolyp qymyzyn,

Daqpyrt boldy qyzyghyn.

 

Jarymaghan jaqsygha,

Bizding qazaq maqtanshaq.

Qarsy shyqsa basshygha,

Auzyn jabar attan sap.

 

Qonyp jýrgen týsinde

Bastaryna baq ne bir,

Qylshyghy joq ishinde,

Bizding qazaq aqkónil.

 

Óz ýiinde nangha da

Otyrsa da jarymay,

Tirep túrghan jargha da

Jatqa berer sary may.

 

Keleshekke nyq sener,

Kóp sharuagha ýlgermey,

Syrtqa jonyn kórseter,

Aryqtyghyn bildirmey.

 

Tilersegi tilinip,

Yrsisa da qabyrgha,

Tómen qarap, býgilip,

Shaqyrady sabyrgha.

 

Aryp-ashyp kelgende,

Sәn-saltanat qúrghandar,

Sorly qazaq ólgende,

Joqtarsyzdar, tughandar!

 

Aqylbek Shayahmet

Abai.kz