Särsenbi, 26 Mausım 2019
46 - söz 1937 26 pikir 10 Qañtar, 2019 sağat 11:06

Bekzat turalı kinonıñ 19 jılda tüsirilip bitpeui wyat!

Aqan Sataev Serik Säpiev turalı kino tüsiretin bolıp, oğan akter izdep jatır ğoy. Biraq äueli Bekzat turalı kino tüsirilip bitui kerek edi. Ötkende Bekzat turalı serial şığayın dep jatır dedi. Biraq Bekzat turalı kinonıñ tolğağı pisip-jetilmey jatqanına qanşa uaqıt... Bekzat turalı kino tüsiru üşin Bekzat tiri bolıp, parlamentte deputat bop otıruı kerek pe?

Bekzat qanşama jasöspirimge ülgi bolatın twlğa edi. Onıñ ömiri kinoğa swranıp twr. Sol kinoğa Bekzattıñ gitaramen än salatını, dombıra şertetini, geografiya pänin qızığa oqitını, güldi jaqsı köretini de qosılsa jaqsı edi.

Mısalı, Sataev köşe arasındağı töbeles turalı kino da tüsirdi ğoy. Köşe arasındağı töbelestiñ kökesin sol Bekzattar körgen şığar. Türkistannıñ ana bası men mına basına jattığuğa jügirip barıp kelui de jasöskinge ülgi bolar edi. Bekzat arqılı täuelsizdik alğan alğaşqı jıldardağı qazaq otbasılarınıñ, qoğamınıñ qiın jağdayın da körsetuge bolar edi. Ätteñ, qayda ketpey jatqan aqşa Bekzatqa kelgende jetpey-aq qoydı.

Eger Säpiev "Bekzattıñ kinosı tüsirilmey, men turalı kino şıqqanın qalamaymın" dese, señ qozğalar ma edi. Şirkin-ay, qazaqtıñ jigitteri bir-birin qoldap jürse ğoy deysiñ. 

19 jılda Bekzat turalı kinonıñ tüsirilip bitpeui wyat qoy, bılay qarasañ. Osı amerikalıqtar, ündister jılt etken sportşısı şıqsa, ol turalı keremet kino tüsirip tastaydı. Auzıñ aşılıp otırıp köresiñ. Onı körgen bala sportpen qalay aynılıspasın?! Al bizde bolmağır komediyalardı tüsirip, qazaq kinosın damıtıp jatırmız deydi. İşinde sabaq alar tük bolmasa da kinoteatrğa barıp köremiz. Ömiri dayın kino adamdar turalı kino tüsiruge kelgende qurap qalamız!

Jadıra Narmahanova

Abai.kz

26 pikir