Asa kórnekti aqyn, balalar әdebiyetining dýldýli, Múqaghaly shygharmashylyghynyng jyrshysy Orazaqyn Asqar 84 jasqa qaraghan shaghynda dýniyeden ozdy.

Qayghyly habardy QR Mәdeniyet jәne sport ministrliginin  baspasóz qyzmeti rastady.

"Orazaqyn Asqar bir saghat búryn Almatyda auyr nauqastan qaytys boldy. Aqynnyng jaqyndary men tuystaryna kónil aitamyz. Marqúmdy shygharyp salu men jerleu boyynsha keyinirek aqparat beremiz", - dep jauap berdi QR Mәdeniyet jәne sport ministrligining baspasóz hatshysy Aydar Qyryqbay.

Aqynmen qoshtasu rәsimi Qazaqstan Jazushylar odaghynda ótedi.

Orazaqyn Asqar 1935 jyly 16 mamyrda Shyghys Týrkistan ólkesining Ile aimaghyna qarasty Mýkey Qaratas degen jerde dýniyege kelgen. Bastauysh bilimdi Sarybúlaq mektebinde alyp, Qúlja qalasyndaghy «Bilim júrty» dep atalatyn gimnaziyada oqyghan. 1951 jyly Ýrimshi qalasynda ashylghan Últtar institutynyng til jәne әdebiyet fakulitetine týsip, onyng ekinshi kursyn ayaqtaghannan keyin «Shynjang gazeti» redaksiyasyna qyzmetke túrdy. Búl jyldary sol gazetke jәne «Shúghyla» jurnalyna ólenderi jii jariyalanyp túrghan.

1955 jyly atamekeni Qazaqstangha kóship kelip, 1961 jyly Qazaq Memlekettik uniyversiytetining filologiya fakulitetin bitirip shyghady. 1955 jyly jaryq kórgen «Qos jýrek» atty jas aqyndardyng újymdyq jinaghyna ólenderi engen.

Biraz jyl Qazaq KSR Ghylym akademiyasynyng Sh. Uәlihanov atyndaghy Tariyh, etnografiya jәne arheologiya institutynda kishi ghylymy qyzmetker, odan keyin Qazaqstan Jazushylar odaghynyng kórkem әdebiyetti nasihattau burosynda núsqaushy, respublikalyq Kitap palatasynda bólim mengerushisi, «Jalyn» baspasynda agha redaktor bolghan. Jyldar boyy qazaqtyng qara ólenin el ishinen jinap, eki tomyn bastyrdy. «Ádeby múra» baghdarlamasyna oray, «Álem balalar әdebiyetinin» qazaq tilindegi elu tomdyghyn shygharu júmysyna atsalysty.

1996 jyldan beri Qazaqstan Jazushylar odaghy basqarmasynyng mýshesi. Halyqaralyq "Alash" әdeby syilyghynyng laureaty. "Eren enbegi ýshin", "Tәuelsizdikting 10 jyly" medalidarynyng iyegeri. Múqaghaly atyndaghy syilyqtyng iyegeri. Panfilov audanynyng Qúrmetti azamaty.

"Túnghysh" (1964), "Meyirim" (1969), "Kýngey" (1975), "Lәilә" (1977), "Kókoray" (1979), "Balqaraghay" (1981), "Sәulet" (1984), "Tauday bol!" (1984), "Beljaylau" (1985), "Órkesh" (1987), "Kerimsal" (1991), "Barkórneu" (1992), "Kerimsal" (1994), "Jarapazan" (1995), "Orbúlaq" (2000), "Tәuelsizdik tartulary" (2001), "Otan dep oyanghanda" (2004), "Atamekenge oralghanda" (2005), "Qos qonyrau" (2005) "Altyn abdyra" (2007), "El ishinde" (2008), "Balalarym - baqytym" (2008) atty jәne t.b. jyr jinaqtary jaryq kórgen.

Abai.kz