Qazaqstan qúramasynyng 6 mausymda Angliyany óz alanynda qabyldaytyny ótken jyldyng kókteminde belgili bolghannan-aq, el ishin futbol elesi kezip ketip edi. IYә, bizge Krishtianu Ronaldu bastaghan - Portugaliya, Yon Dali Tomasson bastaghan - Daniya, Angelos Haristeas bastaghan - Grekiya, Yary Litmanen bastaghan - Finlyandiya, qyl-ayaghy, Andrey Shevchenko bastaghan Ukraina da kelip ketken-di. Biraq sol qúramalardyng eshqaysysy dәl Angliyaday dýrmek tudyra almaghan edi. Keldi, kórdi, jendi... ketti. Olar kelgende, stadiongha kiru biyleti de arzandau bolghan siyaqty edi... Áyteuir, Angliyagha degen ansarymyz keremet boldy.

Qazaqstan qúramasynyng 6 mausymda Angliyany óz alanynda qabyldaytyny ótken jyldyng kókteminde belgili bolghannan-aq, el ishin futbol elesi kezip ketip edi. IYә, bizge Krishtianu Ronaldu bastaghan - Portugaliya, Yon Dali Tomasson bastaghan - Daniya, Angelos Haristeas bastaghan - Grekiya, Yary Litmanen bastaghan - Finlyandiya, qyl-ayaghy, Andrey Shevchenko bastaghan Ukraina da kelip ketken-di. Biraq sol qúramalardyng eshqaysysy dәl Angliyaday dýrmek tudyra almaghan edi. Keldi, kórdi, jendi... ketti. Olar kelgende, stadiongha kiru biyleti de arzandau bolghan siyaqty edi... Áyteuir, Angliyagha degen ansarymyz keremet boldy.

Hosh, sonymen Angliya keldi. Bastapqyda josparlanghanday, Astanagha emes, Almatygha keldi.
Áueli jankýierlerding jýregine últtyq qúramamyzdyng bas bapkeri Bernd Shtork qanjar súqty. «Múrat Tileshevti shaqyrmaghan sebebim, ol aryqtaghan joq, qayta semire týsti. Samat Symaqov belorustarmen  óte nashar oinady. Aleksandr Kuchma qazir qúrama dengeyinde óner kórsetip jýrgen joq. Núrbol Júmasqaliyevting jaraqaty tolyq jazylmady. Ruslan Baltiyev baltyrynyng etin auyrtyp aldy» dep sausaqtaryn bir-birlep býgip, auzyn qu shóppen sýrtti ol. Jankýier jazghan onyng eksperiymentterine boy ýiretip qalghan-dy. Dәl sol Angliyamen ótken jyly kýzde, danqty «Uembliyde» kezdeskenimizde, alangha kil jas oiynshylardy jiberip, 50 minut jaqsy oinaghany esimizden shygha qoyghan joq. Biraq Qazaqstan ýshin futbolda arnayy zang qabyldanbas, yaghny biz de júrttyng balasy sekildi 90 minutty tolyq oinaugha tiyispiz. Sondyqtan «Uembliydegi» 1:5 esebine razy bolghan eshkim joq shyghar dep oilaymyn. Al 1 sәuirde dәl osynday esep Almatyda, Belarusi qúramasymen oiynda qaytalandy. Sodan da ma eken, bizder, jankýierler, Angliyamen qarymta matchty qorqa kýttik. Qorqynysh shoghyn qúramadaghy tәjiriybeli futbolshylardyng mýlde azdyghy odan ary qozdata týsti.
Oiyn biz kýtkendey boldy. Taghy da 4 dop aiyrmashylyghymen útyldyq. Taghy da Mokin aghylshyn futbolshylaryna eki ýlken syilyq jasady. Biz nege jenildik? Áriyne, әlemning ýzdik qúramalarynyng qataryndaghy Angliyany dәl qazirgi jaghdayymyzda «jenemiz» dep oilau utopiya bolar edi. Sonda da biz nege jenildik? Taldap kóreyikshi.
Birinshiden, Bernd Shtork aitqanynan qaytpaytyn, qiyanqy balanyng obrazyndaghy óz taktikasynyng qúrbany boldy. Yaghny belarusitarmen oiynda esh nәtiyje bermegenine qaramastan, ol alangha taghy eki shabuylshy qoydy. Basqa-basqa, aghylshyndardyng ózi algha jeke-dara Emil Heskiydi ghana jiberip, Ueyn Runiydi sol qaptalgha qaraylatyp jýrgende, biz Tanat Nóserbaev pen Sergey Ostapenkonyng Djon Terry bastaghan qorghaushylardy әiteuir bir kiyip-jaryp ótetinine ýmittenip otyrdyq. Biraq futboldyng aty - futbol. Ol sening tittey qateligindi keshirmeydi. Ostapenko oiyn ortalanbay jatyp-aq, auyr jaraqattanyp qaldy. Mine, osy kezde bizding qúramanyng barlyq problemasy aimanday boldy da qaldy. Qosalqy qúramda, senesiz be, basqa birde-bir shabuylshy joq eken! Amal joq, alangha Sabyrhan Ybyraev shyqty da, ong qaptalgha ózi ornalasyp, algha Evgeniy Averchenkony jiberdi. Birden aitayyq, Tanattyng da, Averchenkonyng da boyy 1 metr 70 santiymetrden sәl-aq asady. Yaghny olar Terriyden, Apsonnan jәne artqy jartylay qorghaushy Barriyden kemi bir qarys alasa. Onyng ýstine, Averchenko búghan deyin qúramagha shaqyrylghan emes. Birden ottyng ortasyna týsken son, qyzyljarlyq jigit mataldy da qaldy. Óz basym Averchenkonyng oiyn tizginin qolgha alyp, atoylay shapqanyn kórgen joqpyn. Eger alangha kisi sanyn kóbeytuge jiberer bolsa, men de býlk-býlk jelip jýre alar edim.
Ekinshiden, aghylshyn fut­bolshylary shetinen atlet. Teledidarda sirinkening shyrpysynday kórinetin jigit­ter Almatynyng stadion­ynda kenet zorayyp, túlghalanyp, ertegidegi dәulerge ainalyp ketkendey kórindi de túrdy. Olardyng qasynda bizding Kókeev pen Nóserbaev, Karpovich pen Averchenko dop tasyp jýrgen bala siyaqty. Yaghny bizding futbolshylardyng dene kýshi kem ekeni birden kózge úrdy. Shyndyghyna kelsek, búl oiynda aghylshyndar baryn salghan joq. Óz mýmkindikterining 60-70 payyzynda ghana óner kórsetti. Sonyng ózi Qazaqstan qaqpasyna jauapsyz 4 dop soghugha jetkilikti boldy. Oiyn barysynda mynaday sәtti kórip, «naghyz futbol osy-au» degen oigha berildim. Nóserbaev sol qaptalgha qashqan dopqa jandәrmen jetip, Eshly Kouldan sytylyp ýlgergen kezinde... Djon Terry sap ete qalyp, ony dop-mobymen qosa alang syzyghynan shygharyp jiberdi. IYtergen de joq, oiyn tәrtibin búzghan da joq, kәdimgidey, jata qalyp tepti. Mine, bizding futbolshylar alandaghy osynday «soghysqa» tolyq dayyn emes siyaqty. Jata qalyp, tóreshining betine ýmittene qarau, aiyp dobyn súrau, ysqyryq kýtu siyaqty kýlkindi tudyratyn sәtter de az bolghan joq.
Ýshinshiden, qorghau­shylar da, qaqpashy­myz da óte nashar oinady. Mening oiymsha, songhy penalitiy­den soghylghan golda ghana qaqpashy Aleksandr Mokinning kinәsi joq. Basqasynyng bәrinde - bar! Alghashqy gol soghylghanda ol ózinen alys búryshqa mýlde qaraylaghan joq. Ekinshisinde Djerrardtyng qiytúrqy soqqysyna mýlde dayyn bolmay shyqty, sóitip, dopty dәl Heskiyding aldyna tastap berdi. Ýshinshi golda Runiyding tizemen soqqysyn qaqpanyng ishinen (!) alyp shyqty. Ony Runiyding ózi qayshylay teuip, qayyra soqpaghannyng ózinde goldyng sanalatyny kýmәnsiz edi. Osy sәtterding bәrinde bizding ortalyq qorghaushylar syrttay baqylaushy boldy da túrdy.
Oiyn bitken song Bernd Shtork óz komandasynyng oiynyna yrza ekenin maqtanyp túryp aitty. IYә, onymen kelisuge de bolar. Sergey Skoryh, Andrey Karpovich, Jambyl Kókeev, Tanat Nóserbaevtyng arystansha aiqasqanyna kýmәnimiz joq. Biraq olar shamasy jetkeninshe ghana jaqsy oinady. Yaghny olar dәl býgingi ózining «maksimum baghdarlamasyn» iske qosty. Ary qaray - eshtene joq. Tek ósu kerek. Áytpese sol 1:5, sol 0:4...
Shtorktyng óz sózin ózi joqqa shygharatynyna da tanym bar. «Men qazaq futbolynyng bolashaghyna júmys istep jatyrmyn. Biz qúramagha jas oiynshylardy kóp tartyp, olardy ósiruge tiyispiz» degendi ol kóp aitady. Birinshiden, siz Qazaqstan qúramasyn mәngi basqarmaysyz, Shtork myrza! Kýzge jetpey-aq otstavkagha jiberilip jatsanyz, qaytpeksiz? «Men qúramagha Ybyraev, Erbes, Nóserbaev, Kirov, Logviynenko siyaqty jas futbolshylardy janadan shaqyryp, endi ghana komanda jasaqtap jatyr edim» dep aqtalasyz ba? Últtyq qúrama - barlyq jas dengeyindegi qúramalardyng shyny. Onda sol sәttegi elding eng ýzdik futbolshylary ghana oinauy qajet ekenin siz jaqsy bilseniz kerek. Jastar solardyng arasyna synalap kirip, ózderining «bәsekege qabiletti» ekenin dәleldese kerek edi. Mynaday eksperiymentten keyin olardyng tauy shaghylyp, jigerleri shaladay byqsyp qalmasyna kim kepil? Ekinshiden, jas oiynshylardy kóp tartqan ekensiz, nege tym qúrmasa oiynshy almastyru limiytin tolyq paydalanbaysyz? Belarusipen de, Angliyamen de oiyn barysynda eki oiynshy ghana almasty. Alangha Núrghaliyev, Hijnichenko, tipti tәjiriybeli Travinning ózi shyqsa, biligi óse týspesine kim kepil?
Syrttan bapker әkelip, synap otyru osylay әdetimizge ainalyp bara jatyr. Eshkim bizdi ózimizdey týsinbeydi-au osy...
Angliya qúramasy ýshin Almatygha sapar ýlken seruen boldy. «Biz alghashqy jarty saghatta ghana qinaldyq. Odan ary oiyn tizgini týgeldey ózimizge kóshti», - dedi eline barghasyn Djon Terri. Ras-aq... Al aghylshyndardyng bas bapkeri Fabio Kapello oiynnan keyingi baspasóz mәslihatynda qoyylghan «Eger Ostapenkonyng goly sanalghanda, qanday jaghday bolar edi?» degen súraqqa: «Kezdesu 1:4 esebimen biter edi», - dep jauap berdi. Taghy da ras-aq...
Al osy sәrsenbide Qazaqstan qúramasy Kiyevte Ukrainadan 1:2 esebimen jenilip qaytty. Mokin taghy da eki ýlken qate jiberdi. Áytpese Nóserbaev esepti birinshi bolyp ashqan-dy.
«...Syrt alanda iri eseppen útylmay, bir dop soghyppyz qayta» dep quanyp jýr jankýierler. Áy, biraq jenilisting aty - jenilis qoy. Ol qashan da ashy.

Siz ne deysiz?

Núrtay Sabiliyanov, deputat:

«...Bylay oilasan, osy jerde tumaghan adam, osy elding namysyn qalay qorghaydy? Olardyng barlyghy aqsha ýshin jýrgen adamdar. Yaghni, futboldy bizneske ainaldyrghan adamdar ghana bizge kelude. Al, futbol degende biz eng aldymen qazaqtyng namysy dep qarauymyz qajet. Yaghni, qazaqtyng namysy taptalmas ýshin qazaq azamattary alangha shyghuy kerek. Soghan jaghday jasauymyz kerek...»

Erbolat Ápsәlyamov, deputat:

«...Shynyn aitqanda, býgingi kýni Qazaqstangha jany ashyp bolysatyn futbolshylar, deni dúrys bapker kerek. Sebebi, Shtork bolsa, ónkey jastardy jinap aldy da, solarmen oinap jýr. Áriyne, onyng óz oiy dúrys shyghar. Biraq... Shtork jibergen kemshilikter turaly gazetter kóp jazyp jatyr. Dayyndyqtar dúrys jýrmeydi deydi. Ol da bar shyghar. Biraq, mening oiymsha, әr komandanyng bir tireuishi boluy tiyis. Bizde sol tirek joq. Tirek degen shabuylshy, ortadaghy oiynshy jәne jaqsy qorghaushy...»

«Jas qazaq» gazeti, №23, 12.06.2009