Jeksenbi, 21 Säuir 2019
563 0 pikir 11 Aqpan, 2019 sağat 11:57

Jappas Qalambaevtıñ 110 jıldığına oray Qwrmanğazı orkestri koncert berdi

Küyşi-kompozitor, atı añızğa aynalğan tarihi twlğa Jappas Qalambaevtıñ 110 jıldığına arnalğan «Qorqıt sarını» attı qobızşılar koncerti 08 aqpan küni Qwrmanğazı atındağı Qazaq memlekettik akademiyalıq halıq aspaptarı orkestriniñ koncert zalında bolıp ötti.

Jappas Qalambaev – qazaqtıñ qasietti qobız aspabınıñ el arasında keñinen taraluına ölşeusiz üles qosqan, küyşi Qorqıt pen Iqılastıñ önerin jalğastıruşı twlğa.

Koncertke: Qazaqstannıñ eñbek siñirgen artisi – Qwndız Qalambaeva, Qazaqstannıñ eñbek siñirgen qayratkeri – Batırjan Mıqtıbaev, QR Mädeniet qayratkeri – Rauşan Orazbaeva, Respublikalıq konkurstardıñ laureattarı:Aygerim Qarsaqbaeva, Aqayşa Jwrbay, Maqsat Medeubek, Meruert Aqanaeva, Erseyit Aliev, Ayatolla Twrğanov, Azamat Jahanbek, Şınar Baltina, Ajar Erkebulanovalar qatısıp, önerlerimen tıñdarman qauımdı tänti etti. Keşte Qazaqstannıñ Eñbek siñirgen qayratkeri Janas Bekentwrov dirijerlik etti.

Sonımen qatar, eske alu keşine QR Mädeniet jäne sport ministriniñ keñesşisi ministrdiñ arnayı qwttıqtauın tabıstap, ıqılas gülin wsındı.

Qwndız Qalambaeva

Qwrmanğazı orkestriniñ baspasöz qızmeti

Abai.kz

0 pikir