جەكسەنبى, 17 اقپان 2019
363 0 پىكىر 11 اقپان, 2019 ساعات 11:57

جاپپاس قالامباەۆتىڭ 110 جىلدىعىنا وراي قۇرمانعازى وركەسترى كونتسەرت بەردى

كۇيشى-كومپوزيتور، اتى اڭىزعا اينالعان تاريحي تۇلعا جاپپاس قالامباەۆتىڭ 110 جىلدىعىنا ارنالعان «قورقىت سارىنى» اتتى قوبىزشىلار كونتسەرتى 08 اقپان كۇنى قۇرمانعازى اتىنداعى قازاق مەملەكەتتىك اكادەميالىق حالىق اسپاپتارى وركەسترىنىڭ كونتسەرت زالىندا بولىپ ءوتتى.

جاپپاس قالامباەۆ – قازاقتىڭ قاسيەتتى قوبىز اسپابىنىڭ ەل اراسىندا كەڭىنەن تارالۋىنا ولشەۋسىز ۇلەس قوسقان، كۇيشى قورقىت پەن ىقىلاستىڭ ونەرىن جالعاستىرۋشى تۇلعا.

كونتسەرتكە: قازاقستاننىڭ ەڭبەك سىڭىرگەن ءارتيسى – قۇندىز قالامباەۆا، قازاقستاننىڭ ەڭبەك سىڭىرگەن قايراتكەرى – باتىرجان مىقتىباەۆ، قر مادەنيەت قايراتكەرى – راۋشان ورازباەۆا، رەسپۋبليكالىق كونكۋرستاردىڭ لاۋرەاتتارى:ايگەرىم قارساقباەۆا، اقايشا جۇرباي، ماقسات مەدەۋبەك، مەرۋەرت اقاناەۆا، ەرسەيىت اليەۆ، اياتوللا تۇرعانوۆ، ازامات جاحانبەك، شىنار بالتينا، اجار ەركەبۋلانوۆالار قاتىسىپ، ونەرلەرىمەن تىڭدارمان قاۋىمدى ءتانتى ەتتى. كەشتە قازاقستاننىڭ ەڭبەك سىڭىرگەن قايراتكەرى جاناس بەكەنتۇروۆ ديريجەرلىك ەتتى.

سونىمەن قاتار، ەسكە الۋ كەشىنە قر مادەنيەت جانە سپورت ءمينيسترىنىڭ كەڭەسشىسى ءمينيستردىڭ ارنايى قۇتتىقتاۋىن تابىستاپ، ىقىلاس گۇلىن ۇسىندى.

قۇندىز قالامباەۆا

قۇرمانعازى وركەسترىنىڭ ءباسپاسوز قىزمەتى

Abai.kz

0 پىكىر