Reseyding Qyrymdy anneksiya jasap alghanyna búrynghysynsha qarsy Europa elderi Mәskeuding is-әreketi Ukrainanyng egemendigi men territoriyasynyng tútastyghyn búzady әri әlemdik qauipsizdikke qater tóndiredi dep sanaydy. Búl turaly Europa odaghy elderi BÚÚ Qauipsizdik kenesining Ukrainadaghy jaghdaygha arnalghan otyrysynda birlesken mәlimdeme jasady.

BÚÚ Donbastaghy janjaldy retteu boyynsha Minsk kelisimining sәtsiz bolghanyn moyyndaydy. BÚÚ bas hatshysynyng kómekshisi Miroslav Encha tórt jyl búryn jasalghan kelisim "kóbine oryndalmay otyr" dep mәlimdedi. Onyng aituynsha, Ukrainanyng shyghysyndaghy janjaldy retteu jónindegi kelissózderge qatysushylardyng "búrynghy ekpini bәsendegen, al negizgi taraptar kelisimdi bekituge qabiletsiz nemese qúlyqsyz". "Europanyng tórindegi" búl janjal әli tynshyghan joq, qúrbandar ýsti-ýstine qosylyp jatyr dedi Encha. Onyng sózinshe, janjal bastalghaly beri oghan qatysushylar atysty dogharu turaly onnan asa ret kelisim jasasqanymen úzaqqa barmay ony búzghan.

Ukrainanyng shyghysynda janjal bastalghan 2014 jyldan beri ýsh mynnan astam beybit túrghyn qaza tauyp, keminde toghyz myng adam zardap shekken. Lugansk jәne Donesk oblystarynda bir jarym million adam bosqyngha ainalghan. Búl turaly BÚÚ bas hatshysynyng gumanitarlyq mәseleler boyynsha kómekshisi Ursula Muller habarlady. Onyng aituynsha, 2019 jyly Donbastaghy janjalgha qatysushylardyng arasyn bólip túrghan syzyqtyng eki jaghyndaghy túrghyndargha gumanitarlyq jәrdem jetkizuge 162 million dollar qajet bolady.

BÚÚ Qauipsizdik kenesining otyrysy qarsanynda BÚÚ Ukrainagha gumanitarlyq kómek kórsetetin birlesken qor qúrylghan jariyalady. Qor donory retinde qatysatyn ýkimetter, halyqaralyq jәne ýkimettik emes úiymdardan týsken jarna jergilikti jerdegi gumanitarlyq sharalardy qoldaugha júmsalmaq.

Abai.kz