Särsenbi, 22 Mamır 2019
46 - söz 1637 4 pikir 14 Aqpan, 2019 sağat 11:56

"Jınımdı keltirmeñizşi..."

Adamda jın boladı, Jını jetip kelgen soñ, jım boladı... Äsirese, şeneunikter tilşilerdiñ swraqtarına sılq etip, büyrekteri bılq etip, tipti, aşulanıp ketedi. Ğarışker Mwsabaevtıñ tilşige ne degenin, sol tilşiniñ tas aralasqan «kaşa» jegenin de bilemiz. Şeneunikterdi qoyşı, halıqtıñ arqasında «qozı qarın» bolıp jürgen Töreğali sekildi änşiler de tilşilerdi mañayına jolatpağan.

Endi mine, Wlttıq ekonomika vice-ministri Serik Jwmanğarinniñ  tarifke qatıstı swraq qoyğan tilşige bergen jauabı jındanıp ketti... Onıñ jını «jındıhanağa» tüsti. Qazir sonda jatır.

Jın degen... Qalay tüsindirsem eken? Adam bitken aşulanğanda, bir närseden mezi bolğanda: «Jınımdı keltirmeşi!» deydi. Al adamnıñ jındarı är qiırdan keledi. Biri taksiletip tez kelse, ekinşisi wşaqpen wşıp kele saladı. Olar jäy kelmeydi, sol adamnıñ auzına bir türli sözder salıp, jwrttıñ aldında masqarasın şığaradı. Onı qoyşı, qarapayım qazaq äyelderiniñ de, jındarı jastıq astında jatadı.

-Märiyaş, sotkañdı men üşin bloktap tastağanıñ ne?- -dep swraydı qatar jatqan äyeline.
-Qoyşı, wyıqtap jatırmın deymin!
-Instagramdı men üşin bloktap tastapsıñ...
-Qoyşı, uje bir közim wyıqtap ketti...
-Bir päleñ bar, menen jasıratın...
-Jınımdı keltirmeşi!
-Jınıñ qayda?
-Jınım jastıqtıñ astında!
Mine, erli-zayıptılar arasındağı jın jastıqtıñ astında jatadı eken.

Al, Serik Jwmanğarin mırzanıñ jını mwrnınıñ wşında «qımbaat tufli kiip» otır. Ol tilşiniñ tarif turalı swrağına jauap beruden bas tarttı.
-Elimizdegi tarifter nege qımbat?-dep swradı tilşi.
-Qımbat bolğan soñ qımbat. «Qımbat... Qımbattım!» degen sözer qanday ädemi, jwmsaq estiledi...-dep aytqan joq ol.
-Degenmen, tarif...
-Oy aynalayın, jınımdı keltirmeşi!
-Tarif...
-Bwl basqa şara ğoy? Ne boldı? Keşe parlamentte tarifter turalı ayttım. Jınımdı keltirmeñizşi?-dep ayttı ol.
-Tarif turalı...
-Sizder tarif turalı swrauğa keldiñizder me? Mağan arnayı keliñizşi, men sizge tarif turalı basınan ayağına deyin barlığın aytıp bereyin. Jınımdı keltirmeñizşi! –dep ayttı ol.
-Keşiriñiz, basıñızğa kele beretin jınıñız turalı aytıp beriñizşi?
-Jın? Ol kädimgi jın.. Jün emes!-dep aytqan joq ol. Biraq, «Jınımdı keltirmeñizşi!»- dep aşulanğanı ras...

Olay bolsa, osı jazbanı jazğan, satirik MwhŞER, mağan da jınıñız kelmesinşi!!

Mwhtar Şerimniñ facebook paraqşasınan

Abai.kz

4 pikir