Beysenbi, 27 Mausım 2019
Jañalıqtar 834 5 pikir 12 Naurız, 2019 sağat 17:43

Äbdiqalıqova bastağan Ükimet müşeleri Atırauğa bardı

Bügin Ükimettiñ QR Prem'er-Ministriniñ orınbasarı G. Äbdiqalıqova bastağan äleumettik blogınıñ birinşi basşılarınan qwralğan jwmıs tobı Elbasınıñ «Äleumettik qamqorlıq» jaña äleumettik şaraların iske asıru boyınşa aqparattıq-tüsindiru jwmıstarın jürgizu üşin Atırau oblısına bardı.

Jwmıs saparı barısında Memleket basşısınıñ «Nur Otan» partiyasınıñ XVIII s'ezinde alğa qoyğan tapsırmaların jäne halıqtıñ az qamtılğan toptarın qoldau jäne tabıstı arttıruğa, kiristeri tömen azamattardıñ twrğın üy mäselelerin şeşuge, bilim beru jäne densaulıq saqtau salaların jaqsartuğa, öñirlerdi keşendi damıtuğa bağıttalğan tapsırmaların iske asırudıñ negizgi bağıttarı tüsindiriledi.

Top qwramına eñbek jäne halıqtı äleumettik qorğau ministri B. Saparbaev, bilim jäne ğılım ministri K. Şämşidinova, densaulıq saqtau ministri E. Birtanov, Qwrılıs jäne twrğın üy-kommunaldıq şaruaşılıq isteri komitetiniñ törağası M. Jayımbetov, Orman şaruaşılığı jäne januarlar düniesi komitetiniñ törağası Q. Rıskeldinov, jurnalister men blogerler kirdi.

G. Äbdiqalıqova Atırau qalasında Qwrmanğazı atındağı Mädeniet üyide ötken halıqpen kezdesude qazaqstandıqtardıñ ömir sapasın jaqsartuğa: mümkindikteri şekteuli balalardı tärbielep otırğan, az qamtılğan, köpbalalı otbasılardıñ, sonday-aq halıqtıñ memlekettiñ qoldauına mwqtaj äleumettik osal toptarınıñ äl-auqatın arttıruğa bağıttalğan Elbasınıñ «Äleumettik qamqorlıq» jaña äleumettik şaralarına toqtalıp ötti.

Kezdesu qorıtındısı boyınşa bilim jäne ğılım ministri K. Şämşidinova, densaulıq saqtau ministri E. Birtanov bastağan şağın toptar Mahambet jäne Maqat audandarına barıp, azamattardı jeke qabıldau, densaulıq saqtau, bilim beru jüyeleriniñ qızmetkerlerimen kezdesuler ötkizip, densaulıq saqtau jäne bilim beru nısandarın araladı.

Osı küni Prem'er-Ministrdiñ orınbasarı äleumettik sala qızmetkerlerine arnalğan twrğın üy keşeni qwrılısımen tanıstı. 72 päterden twratın birinşi bloktı 2019 jılğı naurızda paydalanuğa beru közdelgen. Şildede twrğın üy keşeniniñ qwrılısı tolıqtay ayaqtaladı.

Bwdan özge, G. Äbdiqalıqova qalalıq Jwmıspen qamtu ortalığı men Halıqqa qızmet körsetu ortalığınıñ dayındığın tekserip, Studentter üyine bardı. Onda az qamtılğan otbasılardan şıqqan jastarmen özekti mäselelerdi, sonday-aq, Jastar jılı ayasında orındalıp jatqan is-şaralardı jüzege asıru barısın talqıladı.

Jwmıstıñ birinşi küniniñ soñında audandardıñ äkimderimen, käsiporındardıñ jäne käsipodaqtıq wyımdardıñ basşılarımen keñes ötkizildi, onda jwmısşılardıñ eñbek aqısın uaqıtılı jäne layıqtı aluına qatıstı qwqıqtarın qorğau, öndiristi jañğırtu, jwmısşılardıñ eñbek jağdaylarınıñ qauipsizdigin qamtamasız etu mäseleleri talqılandı. Jwmıs beruşilerdiñ, eñ aldımen, jwmısşılardıñ äleumettik osal sanatına qatıstı äleumettik jauapkerşiligine erekşe köñil bölindi. Atırau oblısına jwmıs saparı jalğasuda.

Abai.kz

5 pikir