بۇگىن ۇكىمەتتىڭ قر پرەمەر-ءمينيسترىنىڭ ورىنباسارى گ. ابدىقالىقوۆا باستاعان الەۋمەتتىك بلوگىنىڭ ءبىرىنشى باسشىلارىنان قۇرالعان جۇمىس توبى ەلباسىنىڭ «الەۋمەتتىك قامقورلىق» جاڭا الەۋمەتتىك شارالارىن ىسكە اسىرۋ بويىنشا اقپاراتتىق-ءتۇسىندىرۋ جۇمىستارىن جۇرگىزۋ ءۇشىن اتىراۋ وبلىسىنا باردى.

جۇمىس ساپارى بارىسىندا مەملەكەت باسشىسىنىڭ «Nur Otan» پارتياسىنىڭ XVIII سەزىندە العا قويعان تاپسىرمالارىن جانە حالىقتىڭ از قامتىلعان توپتارىن قولداۋ جانە تابىستى ارتتىرۋعا، كىرىستەرى تومەن ازاماتتاردىڭ تۇرعىن ءۇي ماسەلەلەرىن شەشۋگە، ءبىلىم بەرۋ جانە دەنساۋلىق ساقتاۋ سالالارىن جاقسارتۋعا، وڭىرلەردى كەشەندى دامىتۋعا باعىتتالعان تاپسىرمالارىن ىسكە اسىرۋدىڭ نەگىزگى باعىتتارى تۇسىندىرىلەدى.

توپ قۇرامىنا ەڭبەك جانە حالىقتى الەۋمەتتىك قورعاۋ ءمينيسترى ب. ساپارباەۆ، ءبىلىم جانە عىلىم ءمينيسترى ك. ءشامشيدينوۆا، دەنساۋلىق ساقتاۋ ءمينيسترى ە. ءبىرتانوۆ، قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى م. جايىمبەتوۆ، ورمان شارۋاشىلىعى جانە جانۋارلار دۇنيەسى كوميتەتىنىڭ توراعاسى ق. رىسكەلدينوۆ، جۋرناليستەر مەن بلوگەرلەر كىردى.

گ. ابدىقالىقوۆا اتىراۋ قالاسىندا قۇرمانعازى اتىنداعى مادەنيەت ۇيىدە وتكەن حالىقپەن كەزدەسۋدە قازاقستاندىقتاردىڭ ءومىر ساپاسىن جاقسارتۋعا: مۇمكىندىكتەرى شەكتەۋلى بالالاردى تاربيەلەپ وتىرعان، از قامتىلعان، كوپبالالى وتباسىلاردىڭ، سونداي-اق حالىقتىڭ مەملەكەتتىڭ قولداۋىنا مۇقتاج الەۋمەتتىك وسال توپتارىنىڭ ءال-اۋقاتىن ارتتىرۋعا باعىتتالعان ەلباسىنىڭ «الەۋمەتتىك قامقورلىق» جاڭا الەۋمەتتىك شارالارىنا توقتالىپ ءوتتى.

كەزدەسۋ قورىتىندىسى بويىنشا ءبىلىم جانە عىلىم ءمينيسترى ك. ءشامشيدينوۆا، دەنساۋلىق ساقتاۋ ءمينيسترى ە. ءبىرتانوۆ باستاعان شاعىن توپتار ماحامبەت جانە ماقات اۋداندارىنا بارىپ، ازاماتتاردى جەكە قابىلداۋ، دەنساۋلىق ساقتاۋ، ءبىلىم بەرۋ جۇيەلەرىنىڭ قىزمەتكەرلەرىمەن كەزدەسۋلەر وتكىزىپ، دەنساۋلىق ساقتاۋ جانە ءبىلىم بەرۋ نىساندارىن ارالادى.

وسى كۇنى پرەمەر-ءمينيستردىڭ ورىنباسارى الەۋمەتتىك سالا قىزمەتكەرلەرىنە ارنالعان تۇرعىن ءۇي كەشەنى قۇرىلىسىمەن تانىستى. 72 پاتەردەن تۇراتىن ءبىرىنشى بلوكتى 2019 جىلعى ناۋرىزدا پايدالانۋعا بەرۋ كوزدەلگەن. شىلدەدە تۇرعىن ءۇي كەشەنىنىڭ قۇرىلىسى تولىقتاي اياقتالادى.

بۇدان وزگە، گ. ابدىقالىقوۆا قالالىق جۇمىسپەن قامتۋ ورتالىعى مەن حالىققا قىزمەت كورسەتۋ ورتالىعىنىڭ دايىندىعىن تەكسەرىپ، ستۋدەنتتەر ۇيىنە باردى. وندا از قامتىلعان وتباسىلاردان شىققان جاستارمەن وزەكتى ماسەلەلەردى، سونداي-اق، جاستار جىلى اياسىندا ورىندالىپ جاتقان ءىس-شارالاردى جۇزەگە اسىرۋ بارىسىن تالقىلادى.

جۇمىستىڭ ءبىرىنشى كۇنىنىڭ سوڭىندا اۋدانداردىڭ اكىمدەرىمەن، كاسىپورىنداردىڭ جانە كاسىپوداقتىق ۇيىمداردىڭ باسشىلارىمەن كەڭەس وتكىزىلدى، وندا جۇمىسشىلاردىڭ ەڭبەك اقىسىن ۋاقىتىلى جانە لايىقتى الۋىنا قاتىستى قۇقىقتارىن قورعاۋ، ءوندىرىستى جاڭعىرتۋ، جۇمىسشىلاردىڭ ەڭبەك جاعدايلارىنىڭ قاۋىپسىزدىگىن قامتاماسىز ەتۋ ماسەلەلەرى تالقىلاندى. جۇمىس بەرۋشىلەردىڭ، ەڭ الدىمەن، جۇمىسشىلاردىڭ الەۋمەتتىك وسال ساناتىنا قاتىستى الەۋمەتتىك جاۋاپكەرشىلىگىنە ەرەكشە كوڭىل ءبولىندى. اتىراۋ وبلىسىنا جۇمىس ساپارى جالعاسۋدا.

Abai.kz