Beysenbi, 20 Mausım 2019
616 0 pikir 13 Naurız, 2019 sağat 09:57

«Ğasırlar keñistigindegi köne sarındar» attı konferenciya ötedi

QR Bilim jäne ğılım ministrliginiñ M.O.Äuezov atındağı Ädebiet jäne öner institutı 2019 jıldıñ 14-naurızı küni ataqtı ğalım-etnograf, QazKSR twñğış halıq artisi, fol'klorist, ärtürli halıqtardıñ dästürli muzıkalıq ülgilerin jinauşı – Aleksandr Viktoroviç Zataeviçtiñ 150 jıldığına arnalğan «Ğasırlar keñistigindegi köne sarındar» attı halıqaralıq ğılımi-teoriyalıq konferenciyasına şaqıradı.

Qazaq muzıkalıq mädenietindegi inju-marjandardıñ  älige deyin saqtaluı men kökeykestiligine onıñ jazbaları mümkindik tuğızdı jäne büginde ğılımi zertteu men oqu-bilim beru praktikasında ülken swranısqa ie.

Memlekettik «Wlı dalanıñ jeti qırı» bağdarlaması ayasında ötetin konferenciyağa elimizdiñ jetekşi ğalımdarı men körnekti öner qayratkerleri belsendi qatısadı. Olardıñ arasında – önertanu doktorı, professor, QR WĞA korr.-müşesi Küzembay S.Ä., filologiya ğılımdarınıñ doktorı Qoñıratbay T.A., filologiya ğılımdarınıñ doktorı İsimaqova A.S., filologiya ğılımdarınıñ kandidatı Anan'eva S.V., Wlttıq konservatoriya docenti, belgili änşi Şükimanov E.T., Elmwrat Dina – Beyjiñ wlttar universitetiniñ doktorantı. Ğılımi bayandamalarda wlttıq muzıkalıq mwranı jinaqtau, saqtau jäne nasihattau maqsatında şığarğan ğalımnıñ eñbekteri är qırınan ayqındaladı, sol zamanda A.V.Zataeviçke än-küylerdi habarlağan Alaş ziyalıları, belgili änşi-küyşiler, teatr qayratkerlerimen şığarmaşılıq qızmettestigi jäne köne sarındarğa qatıstı özekti mäseleler zerdelenedi.

QR eñbek siñirgen qayratkeri, belgili muzıkatanuşı YU.P.Aravin, Qwrmanğazı atındağı wlttıq konservatoriya rektorı A.Jüdebaev, Qazaqstannıñ eñbek siñirgen artisi R.Ö.Stamğaziev, T.Jürgenov atındağı öner akademiyasınıñ prorektorı S.Q.Mayğaziev jäne t.b qwttıqtauğa söz kezegin aladı.

Konferenciya 2019 jıldıñ 14-naurızında sağ.11.00-de «Ğılım ordası» RMQ Ortalıq kitaphanasında ötedi.

Meken-jayı: Şevçenko köşesi, 28-üy, 3-qabat.

Baylanıs telefondarı:

+7 (727) 2727411; 2727943

Faks: 2727983

e-mail: info@litart.kz

Abai.kz

0 pikir