سەنبى, 21 قىركۇيەك 2019
720 0 پىكىر 13 ناۋرىز, 2019 ساعات 09:57

«عاسىرلار كەڭىستىگىندەگى كونە سارىندار» اتتى كونفەرەنتسيا وتەدى

قر ءبىلىم جانە عىلىم مينيسترلىگىنىڭ م.و.اۋەزوۆ اتىنداعى ادەبيەت جانە ونەر ينستيتۋتى 2019 جىلدىڭ 14-ناۋرىزى كۇنى اتاقتى عالىم-ەتنوگراف، قازكسر تۇڭعىش حالىق ءارتيسى، فولكلوريست، ءارتۇرلى حالىقتاردىڭ ءداستۇرلى مۋزىكالىق ۇلگىلەرىن جيناۋشى – الەكساندر ۆيكتوروۆيچ زاتاەۆيچتىڭ 150 جىلدىعىنا ارنالعان «عاسىرلار كەڭىستىگىندەگى كونە سارىندار» اتتى حالىقارالىق عىلىمي-تەوريالىق كونفەرەنتسياسىنا شاقىرادى.

قازاق مۋزىكالىق مادەنيەتىندەگى ءىنجۋ-مارجانداردىڭ  الىگە دەيىن ساقتالۋى مەن كوكەيكەستىلىگىنە ونىڭ جازبالارى مۇمكىندىك تۋعىزدى جانە بۇگىندە عىلىمي زەرتتەۋ مەن وقۋ-ءبىلىم بەرۋ پراكتيكاسىندا ۇلكەن سۇرانىسقا يە.

مەملەكەتتىك «ۇلى دالانىڭ جەتى قىرى» باعدارلاماسى اياسىندا وتەتىن كونفەرەنتسياعا ەلىمىزدىڭ جەتەكشى عالىمدارى مەن كورنەكتى ونەر قايراتكەرلەرى بەلسەندى قاتىسادى. ولاردىڭ اراسىندا – ونەرتانۋ دوكتورى، پروفەسسور، قر ۇعا كورر.-مۇشەسى كۇزەمباي س.ءا.، فيلولوگيا عىلىمدارىنىڭ دوكتورى قوڭىراتباي ت.ا.، فيلولوگيا عىلىمدارىنىڭ دوكتورى ىسىماقوۆا ا.س.، فيلولوگيا عىلىمدارىنىڭ كانديداتى انانەۆا س.ۆ.، ۇلتتىق كونسەرۆاتوريا دوتسەنتى، بەلگىلى ءانشى شۇكىمانوۆ ە.ت.، ەلمۇرات دينا – بەيجىڭ ۇلتتار ۋنيۆەرسيتەتىنىڭ دوكتورانتى. عىلىمي باياندامالاردا ۇلتتىق مۋزىكالىق مۇرانى جيناقتاۋ، ساقتاۋ جانە ناسيحاتتاۋ ماقساتىندا شىعارعان عالىمنىڭ ەڭبەكتەرى ءار قىرىنان ايقىندالادى، سول زاماندا ا.ۆ.زاتاەۆيچكە ءان-كۇيلەردى حابارلاعان الاش زيالىلارى، بەلگىلى ءانشى-كۇيشىلەر، تەاتر قايراتكەرلەرىمەن شىعارماشىلىق قىزمەتتەستىگى جانە كونە سارىندارعا قاتىستى وزەكتى ماسەلەلەر زەردەلەنەدى.

قر ەڭبەك سىڭىرگەن قايراتكەرى، بەلگىلى مۋزىكاتانۋشى يۋ.پ.اراۆين، قۇرمانعازى اتىنداعى ۇلتتىق كونسەرۆاتوريا رەكتورى ا.جۇدەباەۆ، قازاقستاننىڭ ەڭبەك سىڭىرگەن ءارتيسى ر.ءو.ستامعازيەۆ، ت.جۇرگەنوۆ اتىنداعى ونەر اكادەمياسىنىڭ پرورەكتورى س.ق.مايعازيەۆ جانە ت.ب قۇتتىقتاۋعا ءسوز كەزەگىن الادى.

كونفەرەنتسيا 2019 جىلدىڭ 14-ناۋرىزىندا ساع.11.00-دە «عىلىم ورداسى» رمق ورتالىق كىتاپحاناسىندا وتەدى.

مەكەن-جايى: شەۆچەنكو كوشەسى، 28-ءۇي، 3-قابات.

بايلانىس تەلەفوندارى:

+7 (727) 2727411; 2727943

فاكس: 2727983

e-mail: info@litart.kz

Abai.kz

0 پىكىر