Düysenbi, 23 Qırküyek 2019
699 2 pikir 13 Naurız, 2019 sağat 10:50

Turizmdi damıtu arqılı auıl twrğındarı jwmıspen qamtılatın boladı

Qazaqstannıñ turistik äleueti turalı birazdan beri aytılıp jür. Memleket basşısı Nwrswltan Nazarbaev ta jıl sayınğa joldaularında atalmış salanıñ potencialın igerudi söz etude. 

Osığan baylanıstı Ükimettiñ baspasöz ortalığında jiın ötken. Onda QR Mädeniet jäne sport ministri Arıstanbek Mwhamediwlı bayandama jasap, turizmdi damıtu arqılı respublika boyınşa 75 mıñğa juıq jaña jwmıs ornın aşuğa bolatının, onda da auıl twrğındarın jwmıspen qamtuğa bolatının ayttı.

"Turistik salanı damıtu boyınşa memlekettik bağdarlama ayasında 200-den astam investiciyalıq jobanı iske asıru josparlanıp otır.  Sondıqtan auıldıq jerlerden 72 mıñ adamdı biz twraqtı jwmıspen qamtimız.

Özderiñiz biletindey, bizdiñ erekşe qorğalatın tabiğat aumaqtar auıldıq jerlerde ornalasqan. Sondıqtan dwrıs täsil, sapalı menedjment qoldanılıp, infraqwrılım damıtılğan jağdayda biz olarğa jwmıs bere alamız. Bwl naqtı san. Biz orındalmaytın mindetter qoymaymız. Eki jıl bwrın biz Alaköldegi belgili şipajayımızdı damıtqanda, bwğan köbi senbegen. Al qazir ol jerde otel'der aşılıp jatır, keluşiler sanı da jıldan-jılğa artıp keledi", - dedi ministr.

Sonımen, Qazaqstanda turizmdi damıtuğa bağıttalğan 200 innovaciyalıq joba äzir. Ol ministrlik qarauında. Atalğan joba jüzege asırılatın bolsa, 75 mıñğa juıq jaña jwmıs orındarı aşıladı. Ministrdiñ mälimetterine sensek, qazirdiñ özinde turizmdi damıtuğa arnalğan aymaqtardıñ tizimi jasalğan. Olar: Alaköl men Balqaş jağalauları, Şuçinsk-Burabay kurorttıq aymağı, Bayanauıl, Imantau-Şalqar şipajay keşeni, Almatı tau klasteri, Mañğıstau, Türkistan men Astana. Atalğan aymaqtardıñ basım böligi auıldıq jerlerde ornalasqan eken.

Ministr Mwhamediwlı öz sözinde tranzittik turizmge de toqtaldı.

"Mısalı, bizdiñ el arqılı tranzittik reyspen basqa elderge wşu üşin turister keledi deyik. Memlekettik bağdarlama ayasında biz şeteldik turister üşin 72 sağattıq vizasız tranzitke arnap jağdaylardı arttırudı wsınamız. YAğni olardıñ osı jerde bolıp, qalamen tanısıp, onı aralap köruleri üşin mümkindik jasauımız kerek", - dedi ministr.

Ministr osı bağıtta qarqındı jwmıs jürgiziletin bolsa, Astana jäne Almatı qalaları az uaqıt işinde tranzittik turizm ortalıqtarına aynala alatının atap ötti.

Abai.kz

2 pikir