"تۋريستىك سالانى دامىتۋ بويىنشا مەملەكەتتىك باعدارلاما اياسىندا 200-دەن استام ينۆەستيتسيالىق جوبانى ىسكە اسىرۋ جوسپارلانىپ وتىر.  سوندىقتان اۋىلدىق جەرلەردەن 72 مىڭ ادامدى ءبىز تۇراقتى جۇمىسپەن قامتيمىز.

وزدەرىڭىز بىلەتىندەي، ءبىزدىڭ ەرەكشە قورعالاتىن تابيعات اۋماقتار اۋىلدىق جەرلەردە ورنالاسقان. سوندىقتان دۇرىس ءتاسىل، ساپالى مەنەدجمەنت قولدانىلىپ، ينفراقۇرىلىم دامىتىلعان جاعدايدا ءبىز ولارعا جۇمىس بەرە الامىز. بۇل ناقتى سان. ءبىز ورىندالمايتىن مىندەتتەر قويمايمىز. ەكى جىل بۇرىن ءبىز الاكولدەگى بەلگىلى شيپاجايىمىزدى دامىتقاندا، بۇعان كوبى سەنبەگەن. ال قازىر ول جەردە وتەلدەر اشىلىپ جاتىر، كەلۋشىلەر سانى دا جىلدان-جىلعا ارتىپ كەلەدى", - دەدى مينيستر.

سونىمەن، قازاقستاندا ءتۋريزمدى دامىتۋعا باعىتتالعان 200 يننوۆاتسيالىق جوبا ءازىر. ول مينيسترلىك قاراۋىندا. اتالعان جوبا جۇزەگە اسىرىلاتىن بولسا، 75 مىڭعا جۋىق جاڭا جۇمىس ورىندارى اشىلادى. ءمينيستردىڭ مالىمەتتەرىنە سەنسەك، قازىردىڭ وزىندە ءتۋريزمدى دامىتۋعا ارنالعان ايماقتاردىڭ ءتىزىمى جاسالعان. ولار: الاكول مەن بالقاش جاعالاۋلارى، ششۋچينسك-بۋراباي كۋرورتتىق ايماعى، باياناۋىل، يمانتاۋ-شالقار شيپاجاي كەشەنى، الماتى تاۋ كلاستەرى، ماڭعىستاۋ، تۇركىستان مەن استانا. اتالعان ايماقتاردىڭ باسىم بولىگى اۋىلدىق جەرلەردە ورنالاسقان ەكەن.

مينيستر مۇحامەديۇلى ءوز سوزىندە ترانزيتتىك تۋريزمگە دە توقتالدى.

"مىسالى، ءبىزدىڭ ەل ارقىلى ترانزيتتىك رەيسپەن باسقا ەلدەرگە ۇشۋ ءۇشىن تۋريستەر كەلەدى دەيىك. مەملەكەتتىك باعدارلاما اياسىندا ءبىز شەتەلدىك تۋريستەر ءۇشىن 72 ساعاتتىق ۆيزاسىز ترانزيتكە ارناپ جاعدايلاردى ارتتىرۋدى ۇسىنامىز. ياعني ولاردىڭ وسى جەردە بولىپ، قالامەن تانىسىپ، ونى ارالاپ كورۋلەرى ءۇشىن مۇمكىندىك جاساۋىمىز كەرەك", - دەدى مينيستر.

مينيستر وسى باعىتتا قارقىندى جۇمىس جۇرگىزىلەتىن بولسا، استانا جانە الماتى قالالارى از ۋاقىت ىشىندە ترانزيتتىك تۋريزم ورتالىقتارىنا اينالا الاتىنىن اتاپ ءوتتى.

Abai.kz