Düysenbi, 23 Qırküyek 2019
707 0 pikir 13 Naurız, 2019 sağat 18:12

Vice-prem'er Atırau oblısındağı köpbalalı otbasılarmen kezdesti

QR Prem'er-Ministriniñ orınbasarı Gülşara Äbdiqalıqova bastağan ükimettik komissiya köpbalalı otbasılarmen kezdesti, dep habarlaydı QazAqparat Atırau oblıstıq öñirlik kommunikaciyalar qızmetine silteme jasap.

Bügin Atırau oblısına jwmıs saparımen kelgen ükimettik komissiya jwmısın jalğastırdı. Respublikalıq «Äleumettik qamqorlıq» bağdarlaması ayasında QR Prem'er-Ministriniñ orınbasarı Gülşara Äbdiqalıqova aymaqtağı köpbalalı otbasılarmen kezdesti. Ükimettik komissiya törtten segiz balağa deyin tärbielep otırğan köpbalalı otbasılarğa bardı. Mısalı,  köpbalalı ana Zul'fiya Qayırova altı bala tärbielep otır. Otbası ayına 45 mıñ teñgege şağın jeke üydi jalğa alğan. «Kümis alqa» iegeri qazir dekrettik demalısta. Zul'fiyanıñ joldası jürgizuşi bolıp jwmıs isteydi,  jalaqısı - 150 mıñ teñge. Memleketten alatın järdemaqılardı qosa eseptegende otbasınıñ jalpı tabısı baspana alu üşin qarajat  jinauğa jetpeydi.

Vice-Prem'er Gülşara Äbdiqalıqova köpbalalı anağa ataulı äleumettik kömek pen twrğın üy kömegin alu erejelerin tüsindiru kerektigin ayttı. Zul'fiyanıñ öñirdegi «İsker ana» jobasına qatısuı otbasılıq jağdaydıñ jaqsaruına septigin tigizbek.

«Kursqa qatısu arqılı jaña mamandıqtı meñgerip qana qoymay, öziñizge wnağan kez kelgen mamandıq boyınşa qayta oquğa boladı. Aldağı künderi jeke käsip aşuğa bir rettik qaytarımsız aqşalay sertifikat berudi bastaymız. Mamır ayınan bastap köp balalı otbasılarğa jalğa beriletin üy,  tiimdi şarttarmen ipotekalıq nesie beriledi,  osı şaralar eldiñ äl-auqatın köterip, problemalardı şeşedi degen senimdemiz», - dedi Gülşara Äbdiqalıqova.

Ükimettik komissiya barğan köpbalalı otbasılardıñ basım böligin twrğın üy mäselesi,  jwbaylardıñ biriniñ jwmısı bolmauı, memlekettik qoldau turalı nasihattıñ azdığı tolğandırdı. Auıldan köşip kelgender üşin qalağa tirkeuge twru mäselesi özekti.

Eñbek jäne halıqtı äleumettik qorğau ministri Berdibek Saparbaev är äyelmen jeke söylesip, jeñildikter men äleumettik tölemder turalı tüsindirdi.

«Atırau oblısına memleket basşısınıñ tapsırmasımen jaña äleumettik reformanı tüsindiru maqsatında keldik. «Äleumettik qamqorlıq» bağdarlamasınıñ arqasında eşbir otbası nazardan tıs qalmaydı, osı maqsatta respublikalıq byudjetten qarajat bölinip otır. Bizdiñ mindetimiz - är qazaqstandıqtıñ memleketten naqtı kömek aluın qamtamasız etu»,-dep atap ötti Berdibek Saparbaev.

Jwmıs saparınıñ soñında  QR Prem'er-Ministriniñ orınbasarı Gülşara Äbdiqalıqova men Berdibek Saparbaev azamattardı qabıldadı. Köpbalalı analar tiisti äleumettik tölemder turalı, äleumettik osal toptağılar  memlekettik qoldau şaraları turalı mälimet aldı.

Abai.kz

0 pikir