Senbi, 7 Jeltoqsan 2019
1072 3 pikir 14 Naurız, 2019 sağat 10:38

AQŞ ökilder palatası Kreml' men Putinge qarsı zañdı maqwldadı

AQŞ-tıñ ökilder palatası seysenbi küni Kreml'diñ agressivti sayasatına qarsı bağıttalğan, Resey prezidenti Vladimir Putinniñ qızmetimen baylanıstı jemqorlıq isterdi tergeudi talap etetin zañ jobasın maqwldadı.

KREMLIN Act degen atqa ie bolğan zañ jobalarınıñ biri Reseydiñ kiliguin jäne onıñ barlau jelilerin şekteuge bağıttalğan. Qwjat AQŞ wlttıq barlau basşısı Den Koutstı 90 künniñ işinde "Resey basşılığınıñ sayasi közdegeni" turalı esep dayındauğa mindetteydi.

Onıñ aldında ğana qabıldanğan "Vladimir Putinge qatıstı aşıqtıq turalı" zañ jobası amerikalıq barlaudan Resey prezidentiniñ mülki men tabıstarı turalı mälimetterdi berudi talap etedi. Qwjat avtorlarınıñ biri, respublikaşıl Elis Stefaniktiñ mälimdeuinşe, Vladimir Putin men onıñ jemqor odaqtastarı älemdegi demokratiyanı älsiretip, etikağa jat ädistermen sayasi baqılauın küşeytudi közdeydi. Olar jauapqa tartıluı tiis dep esepteydi Stefanik.

Qwjat küşine engen 180 künniñ işinde AQŞ wlttıq barlau direktorı, memlekettik hatşı jäne qarjı ministrimen birge, Resey prezidentiniñ jeke baylığı turalı bayandama jasauı mindetti.

Kreml' zañ jobaların "rusofobiyalıq tırbañ" dep atap, oğan män bermeytinin mälimdegen. Resey prezidentiniñ baspasöz hatşısı Dmitriy Peskov "mwnday bastamadan Putin tipti habarsız" degen.

2017 jılı şildede Hermitage Capital qorınıñ basşısı Uil'yam Brauder AQŞ Senatınıñ komitet tıñdauında Resey prezidenti Vladimir Putindi älemdegi eñ bay adam dep atadı. Braudar Putinniñ baylığın 200 milliard dollarğa bağalağan.

Abai.kz

3 pikir