بەيسەنبى, 28 ناۋرىز 2024
3047 3 پىكىر 14 ناۋرىز, 2019 ساعات 10:38

اقش وكىلدەر پالاتاسى كرەمل مەن پۋتينگە قارسى زاڭدى ماقۇلدادى

اقش-تىڭ وكىلدەر پالاتاسى سەيسەنبى كۇنى كرەملدىڭ اگرەسسيۆتى ساياساتىنا قارسى باعىتتالعان، رەسەي پرەزيدەنتى ۆلاديمير ءپۋتيننىڭ قىزمەتىمەن بايلانىستى جەمقورلىق ىستەردى تەرگەۋدى تالاپ ەتەتىن زاڭ جوباسىن ماقۇلدادى.

KREMLIN Act دەگەن اتقا يە بولعان زاڭ جوبالارىنىڭ ءبىرى رەسەيدىڭ كيلىگۋىن جانە ونىڭ بارلاۋ جەلىلەرىن شەكتەۋگە باعىتتالعان. قۇجات اقش ۇلتتىق بارلاۋ باسشىسى دەن كوۋتستى 90 كۇننىڭ ىشىندە "رەسەي باسشىلىعىنىڭ ساياسي كوزدەگەنى" تۋرالى ەسەپ دايىنداۋعا مىندەتتەيدى.

ونىڭ الدىندا عانا قابىلدانعان "ۆلاديمير پۋتينگە قاتىستى اشىقتىق تۋرالى" زاڭ جوباسى امەريكالىق بارلاۋدان رەسەي پرەزيدەنتىنىڭ مۇلكى مەن تابىستارى تۋرالى مالىمەتتەردى بەرۋدى تالاپ ەتەدى. قۇجات اۆتورلارىنىڭ ءبىرى، رەسپۋبليكاشىل ەليس ستەفانيكتىڭ مالىمدەۋىنشە، ۆلاديمير پۋتين مەن ونىڭ جەمقور وداقتاستارى الەمدەگى دەموكراتيانى السىرەتىپ، ەتيكاعا جات ادىستەرمەن ساياسي باقىلاۋىن كۇشەيتۋدى كوزدەيدى. ولار جاۋاپقا تارتىلۋى ءتيىس دەپ ەسەپتەيدى ستەفانيك.

قۇجات كۇشىنە ەنگەن 180 كۇننىڭ ىشىندە اقش ۇلتتىق بارلاۋ ديرەكتورى، مەملەكەتتىك حاتشى جانە قارجى مينيسترىمەن بىرگە، رەسەي پرەزيدەنتىنىڭ جەكە بايلىعى تۋرالى بايانداما جاساۋى مىندەتتى.

كرەمل زاڭ جوبالارىن "رۋسوفوبيالىق تىرباڭ" دەپ اتاپ، وعان ءمان بەرمەيتىنىن مالىمدەگەن. رەسەي پرەزيدەنتىنىڭ ءباسپاسوز حاتشىسى دميتري پەسكوۆ "مۇنداي باستامادان پۋتين ءتىپتى حابارسىز" دەگەن.

2017 جىلى شىلدەدە Hermitage Capital قورىنىڭ باسشىسى ۋيليام براۋدەر اقش سەناتىنىڭ كوميتەت تىڭداۋىندا رەسەي پرەزيدەنتى ۆلاديمير ءپۋتيندى الەمدەگى ەڭ باي ادام دەپ اتادى. براۋدار ءپۋتيننىڭ بايلىعىن 200 ميلليارد دوللارعا باعالاعان.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2249
عيبىرات

قايسار رۋحتى عازيز جان

مۇحتار قۇل-مۇحاممەد 3499