Beysenbi, 18 Şilde 2019
Anıq 1835 8 pikir 1 Säuir, 2019 sağat 13:13

Sayasat jastardı ermeksaz etip ileudi toqtatu kerek

Sayasat - ülken oyın. Al, onıñ oyınşıları maqsatına jetu üşin eşteñeden tayınbaydı. Olarğa tipti sanası qalıptaspağan jasöspirimderdi ermeksaz siyaqtı ileu tük emes. Sebebi jastardı qay bağıtqa bwrsañız da ikemdi. Bizdiñ elde de eks-Prezidenttiñ bastamasımen 2019 jıl – jastar jılı dep jariyalandı. Al, onıñ şın mäninde tüpki maqsatı qanday?

Jıl basında Elordadağı  “Nwr-Älem” pavil'onında atalğan bastamanıñ saltanattı aşıluı boldı. Är salanıñ üzdikterin jinağan şarağa N.Nazarbaevtıñ özi qatısıp, jastarğa aqıl-keñesin ayttı. Al, jastar Prezidenttiñ el üşin atqarğan eñbekterin jipke tizip, birinen soñ biri maqtauların jaudırdı. Eki sağattan astam uaqıt bolğan bwl jiın tek qana Prezidentti maqtağan şeneunikterdiñ basqosuınan eş ayırmaşılığı bolmadı.

Al, aşılu saltanatı bitpesten äleumettik jelide jastar jılınıñ logotipi bir demde taraldı. Jay taralğan joq, logotipke qosa tağı da Prezidentti maqtap jazğan posttar köbeydi. Keyinnen onıñ özi arnayı tapsırma arqılı taralğanı belgili boldı. YAğni, kolledj, universitet studentterine jastar jılınıñ belgisin äleumettik jelidegi negizgi betke qoyudı mindettegen.

;feature=youtu.be&fbclid=IwAR3hbMZxgWU1XhITMQXhWrpA51QofXcMXLzYgSqP3DiLCIvas26uqDCN0zg

Sonımen qatar, 22-naurız küni Astanada Azattıq tilşileriniñ jwmısına belgisiz bir top adam kedergi jasadı. Basım köpşiligi jastar. Olardıñ keybiri özderin student, keybiri "Astananıñ belsendi jastarı" dep tanıstırğan. Olar policeylerdiñ adamdardı wstağanın kamerağa tüsirtkizbeuge tırısıp, kameranıñ betin gazetpen kölegeylegen. Tipti keybiri tilşilerden "negativti" körsetpeudi swrağan. Arasındağı bir jasöspirim özderine äkimdiktiñ tapsırma bergenin aytıp qaldı. Sonda ol jastardıñ ata-anası men wstazdarı qayda? Olar nege jastardı äkimşiliktiñ aytağına elitip qoyadı? Al, jastardı sol “eñbekke baulığan” äkimşilik Zañ aldında jauapqa tartıla ma?

(Curet Azattıq radiosınan)

20-naurız küni Qazaqstannıñ uaqıtşa saylanğan Prezidenti Q.Toqaev Qazaqstan Halqına saltanattı türde ant berdi. Ol ant beru räsiminde twñğış Prezidentke qwrmet körsetu maqsatında Astana qalasınıñ atauın Nur-Sultan dep atau turalı bastama köterdi. Onı Parlament deputattarı birauızdan qoldadı. Söytip, äp-sätte qalanıñ atın özgertu turalı jarlıqqa qol qoyıldı. Sol aq eken jer-jerde Astananı Nur-Sultan dep özgertudi qoldaytın koncertter birinen-soñ biri ötip jattı. Al, onıñ bel ortasında tağı da “Qazaqstan Nwrswltan” dep ayğaylağan jastar jür. Biraq olar osınday bos nauqannıñ tek bireulerdiñ jılı ornın saqtau üşin ğana kerek ekenin bilmeydi. Bilse de, bilmegen bolıp belsendilik tanıtadı. Öytpese, bağa qoyılmaydı, oqudan şığadı degendey. Aytpaqşı, sol jastar da mäjbürli türde barğanın äleumettik jelige salıp, artınşa jıldam öşirdi. Eñ  ökiniştisi, osınday  jasandı qoyılımnıñ bäri de jastarğa belsendilik häm patriottıq dep tüsindiriledi.

Aytpaqşı, bizdegi bas partiyanıñ izbasarı retinde qalıptasıp kele jatqan “Jas Otan” jastar qanatı deytin wyım bar. Är oblısta filialdarı, qalalıq-audandıq deñgeydegi bölimderi jwmıs isteydi. Olardıñ naqtı jastar mäselesin qanşalıqtı şeşip jatqanı belgisiz, äyteuir älgindey fleşmobtar men nwrlı şaralardıñ bası-qasında osı wyım ökilderi jüredi. Juırda osı wyımnıñ törağası Mädi Ahmet elordanıñ atauın özgertuge  qatıstı jastardıñ atınan söylep, birauızdan qoldaytının jetkizipti. Ärine, Jas Otandıqtardıñ bwl mäselede qarsı pikir ayta aluı mümkin emes. Demek, bwl wyım da jastardı biriktirgenimen olardıñ özindik pikiri men täuelsiz közqarası bolmaytının ayqındap twr.

Jalpı, biıl jastar jılına arnalğan is şaralardı ötkizu üşin memleket qazınasınan 100 mlrd. teñge bölinetini aytıldı. İs-şaralar degeni fleşmobtar men älgindey jiındar bolsa, oğan sonşa qarjı şığındap ne kerek?

Tüyin.

Qıtay kösemi Mao Czedunnıñ oñ-solın tanımağan jastardı öziniñ sayasi maqsatına qalay paydalanğanı turalı tarihtan belgili... Bizde de  jıl basınan beri qanday sayasi oqiğa bolsa da sonıñ bastı qoldauşıları retinde jastar jürgenin bayqaymız. Tarih qaytalatının jäne alda saylau kele jatqanın eskersek biz jalaulatıp jürgen jastar jılı da bireulerdiñ jay ğana sayasi wpay jinauı üşin bolıp şıqpay ma? Qazir jastardı wyıstıratın wlttıq ideologiya joq.  Solay eken dep olardı ärkim osılay öz maqsatına paydalana bermek pe?.

Nwrbike Bekswltanqızı

Abai.kz

8 pikir