Senbi, 20 Şilde 2019
Bilik 1163 1 pikir 4 Säuir, 2019 sağat 09:28

Senat avtorlıq qwqıq turalı zañ jobasın qaradı

Parlament Senatı Konstituciyalıq zañnama, sot jüyesi jäne qwqıq qorğau organdarı komitetiniñ keñeytilgen otırısında «Avtorlıq jäne sabaqtas qwqıqtardı wjımdıq negizde basqaru tärtibi turalı kelisimdi ratifikaciyalau turalı» zañ jobası qaraldı.

2017 jılğı 11 jeltoqsanda Mäskeu qalasında Euraziyalıq ekonomikalıq komissiyası Keñesiniñ otırısında osı Kelisimge qol qoyılğan bolatın. Onda avtorlardıñ, orındauşılardıñ, fonogramma dayındauşılardıñ (jasauşılardıñ), avtorlıq jäne sabaqtas qwqıqtardı özge de ielenuşilerdiñ avtorlıq jäne sabaqtas qwqıqtardı is jüzinde jeke türde jüzege asıru qiın bolğanda nemese müşe memleketterdiñ zañnamalarında osı qwqıqtardıñ ob'ektilerin qwqıq ielenuşilerdiñ kelisiminsiz, biraq sıyaqı töley otırıp paydalanuğa jol beriletin jağdaylarda, EAEO-ğa müşe memleketterdiñ aumaqtarında avtorlıq jäne sabaqtas qwqıqtardı wjımdıq negizde basqaru tärtibin belgileydi.

Müşe memleketterdiñ zañnamasında ayqındalatın avtorlıq jäne sabaqtas qwqıqtardı wjımdıq basqaru salalarında qwqıqtardı wjımdıq basqaru jönindegi wyımdardı qwru mümkindigi közdeledi.

Kelisimge säykes, müşe memleketter özderiniñ zañnamasında avtorlıq jäne sabaqtas qwqıqtar ob'ektilerin qwqıq ielenuşiniñ ne wyımnıñ kelisiminsiz paydalanğanı, wyımnıñ qwqıq ielenuşige jinalğan sıyaqını tölemegeni, audit jäne tekseru jürgizu jönindegi mindettemeni orındamağanı üşin jauaptılıq belgileydi. Zañ jobası Palata qarauına jiberildi.

Abai.kz

1 pikir