Särsenbi, 23 Qazan 2019
Abay.tv 9157 2 pikir 9 Säuir, 2019 sağat 13:51

Qasım-Jomart Toqaevtıñ Qazaqstan halqına ündeui

Bügin Memleket basşısı Qasım-Jomart Toqaev Qazaqstan Respublikasınıñ kezekten tıs prezidenttik saylauı ötetinin mälimdedi. Prezidenttiñ mälimdemesin Aqordanıñ resmi saytı jariyaladı.

Qımbattı Otandastar!

Bügin elimizge jäne ärqaysımızğa qatıstı asa mañızdı Ündeu jariyalap otırmın.

Elimizdiñ Konstituciyasına säykes Qazaqstan Respublikası Prezidentiniñ kezekten tıs saylauın 2019 jıldıñ 9 mausımında ötkizu turalı şeşim qabıldadım.

Men bwl jauaptı şeşim boyınşa Elbasımız Nwrswltan Äbişwlı Nazarbaevpen aqıldastım.

Parlamenttiñ qos palata spikerimen, Prem'er-Ministrmen keñestim.

Konstituciyalıq Keñestiñ kelisimine jügindim.

Parlamenttegi partiya jetekşilerimen kezdestim.

Kezekten tıs saylau turalı şeşim qabıldau – öte mañızdı äri qajetti qadam.

Biz Elbasımızdıñ arqasında täuelsiz, quattı memleket qwrdıq. Qazaqstan halıqaralıq jüyede özine layıqtı ornın aldı. Bizdi ıqpaldı jäne beldi memleket retinde bükil älem moyındaydı.

Qazirgi tañda tarihi kezeñdi bastan ötkerip otırmız.

Joğarı bilik zañdı jäne beybit jolmen auıstı. Bükil älem qoğamdastığı osı oqiğanı tüsinistikpen jäne qwrmetpen qabıldadı.

Memleket basşısı retinde men özimniñ mindetimdi jäne jauapkerşiligimdi tereñ sezinemin.

Prezident lauazımına kiriskennen bastap öñirlerdi aralap jürmin. Halıqtıñ köñil-küyin jaqsı bilemin. Ziyalı qauımmen, eñbek wjımdarımen, biznes ökilderimen, investorlarmen, halıqaralıq twlğalarmen kezdestim.

Biz Elbasınıñ sara jolımen jüremiz. Halqımız – birtwtas. Täuelsizdigimizdiñ eñ joğarı qwndılığı retinde memleketimizdiñ irgesi mığım. Aldağı Prezident saylauı osığan dälel boluı kerek.

Sondıqtan, eldegi qoğamdıq-sayasi kelisimdi qamtamasız etip, alğa basu üşin, äleumettik-ekonomikalıq maqsat-mindetterdi layıqtı jüzege asıru üşin bizge ayqındıq qajet. Onıñ üstine, älemdegi ahual bwlıñğır bolıp twr. Bwl Otanımızdıñ qauipsizdigine sın-qater äkelui mümkin.

İşki jäne sırtqı sayasattağı sabaqtastıq pen twraqtılıqtı saqtap, Elbası wsınğan äleumettik bağdarlamalardı oydağıday sätti äri tiimdi iske asıruımız kerek.

Ol üşin atalğan tağdırlı şeşimdi qabıldadım.

Mwnday şeşim tek halıqtıñ tikeley erkimen saylauda qabıldanuı qajet.

Qazaqstan – demokratiyalıq memleket. Prezident halıqtıñ tañdauımen saylanadı.

Men, Memleket basşısı retinde, saylaudıñ taza, aşıq äri ädil ötuine kepildik beremin! Bwl – meniñ berik wstanımım!

Aldımızda zor mindetter twr. Men halqımızğa, yağni Sizderge  senemin.

Qadirli Otandastar!

«Altau ala bolsa, auızdağı ketedi, törteu tügel bolsa, töbedegi keledi» deydi dana halqımız.

Aldağı saylauğa barşañızdı barınşa jauapkerşilikpen qarauğa şaqıramın.

Elimizdiñ keleşegi, är otbası men är azamattıñ tağdırı Sizderdiñ şeşimderiñizge tikeley baylanıstı!

Abai.kz

2 pikir