Jeksenbi, 15 Jeltoqsan 2019
Bilik 6556 12 pikir 12 Säuir, 2019 sağat 09:25

Nazarbaev: EAEO - Europa men Aziya arasındağı senimdi köpir

EAEO - örkendegen Europa men örlegen Aziyanıñ arasındağı senimdi köpir. Elbası Nwrswltan Nazarbaevtıñ osı pikiri «Ideyadan şınayılıqqa: Qazaqstan Respublikasınıñ Twñğış Prezidenti - Elbasınıñ euraziyalıq bastamasına 25 jıl» attı elordada ötken halıqaralıq ğılımi-praktikalıq konferenciyasında aytıldı, dep habarlaydı QazAqparat tilşisi.

Jiın barısında Twñğış-Prezident Elbasınıñ qatısuşılarğa arnağan qwttıqtau hatın QR Prezidenti Äkimşiligi Basşısınıñ birinşi orınbasarı Darhan Käletaev oqıp bergen bolatın.

«1994 jılı Mäskeu memlekettik universitetinde integraciyalıq jobanı qwru ideyasın alğaş ret aytqan edim. Sol kezde mwnday birlestik mağan damuına jäne azamattardıñ äl-auqatınıñ jaña mümkindikteri üşin twraqtı jağday jasauğa kömektesetin quattı ekonomikalıq odaq retinde elestedi. Bügin ol şındıqqa aynaldı. Biıl Euraziyalıq ekonomikalıq odaq turalı şartqa qol qoyılğanına jäne euraziyalıq integraciya ideyasınıñ aytılğanına 25 jıl tolıp otır. Qazirgi EAEO - sırtqı sauda aynalımı 750 milliard dollardan asatın ülken narıq. Onıñ jiıntıq İJÖ mölşeri - eki trillion dollar, halıq sanı 180 million adamnan asadı.

Qauımdastıqqa müşe memleketter oñ ösu qarqının qamtamasız etti. Şeteldik jäne özara sauda-sattıq aytarlıqtay ösip, halıqaralıq ıntımaqtastıq belsendi türde jürgizilude. Jaqın arada biz EAEO-nı Europa men ösip kele jatqan Aziya arasındağı senimdi köpir retinde körip otırmız », - delingen Elbasınıñ hatında.

Nwrswltan Nazarbaev ekonomikalıq integraciyanıñ damuı - ekonomikanı ärtaraptandıruda, bäsekege qabilettilikti nığaytuda, iskerlik ahualdı jaqsartıp, qatısuşı elderdiñ investiciyalıq tartımdılığın arttıruda negizgi küş bola alatının atap ötti.

«İri seriktestermen jäne jaña damıp kele jatqan narıqtarmen sauda-ekonomikalıq qatınastardı keñeytu - Euraziyalıq ekonomikalıq odaqtıñ bükil kontinenttegi rölin küşeytuge serpin beru kerek», - dep atap ötedi Nwrswltan Nazarbaev.

Abai.kz

12 pikir