Beysenbi, 22 Tamız 2019
1767 9 pikir 19 Säuir, 2019 sağat 11:32

Nazarbaeva Matvienkomen kezdesti

Parlament Senatınıñ Törağası Dariğa Nazarbaeva Sankt-Peterburgtegi Tavriya sarayında Resey Federaciyası Federaldıq Jinalısı Federaciya Keñesiniñ Törağası Valentina Matvienkomen kezdesti. Senat basşısı Qazaqstan-Resey äriptestiginiñ strategiyalıq sipatın, sonday-aq Euraziya keñistigindegi ekonomikalıq ıqpaldastıqtı damıtudağı eki eldiñ mañızdı rölin atap ötti.

«Biz TMD PAA Keñesiniñ Törağası retindegi Sizdiñ belsendi qızmetiñizdi joğarı bağalaymız. TMD Parlamentaralıq Assambleyası Sizdiñ arqasında Euraziyadağı ıqpaldastıq üderisteriniñ aldıñğı saptağı wyımdardıñ birine aynaldı. Assambleyanıñ wyımdastıruşı qwrılımdarı nığayıp, halıqaralıq bedeli wdayı ösip keledi», - dedi D. Nazarbaeva.

Joğarğı palata basşısı ekologiya mäselelerine, atap aytqanda, sudı paydalanu jäne transşekaralıq özenderdiñ mäselelerin tiimdi retteu üşin birlesken jwmıstı wyımdastıru qajettigine, äskeri poligondar töñiregindegi ekologiyalıq ahualğa nazar audardı. D. Nazarbaeva bwl twrğıda ekologiya boyınşa ülgi zañ äzirleudi wsındı.

V. Matvienko Senat basşısın Resey Federaciyasına saparmen keluge şaqırdı jäne TMD PAA men Federaciya Keñesiniñ bayqauşıların Qazaqstan Prezidentiniñ kezekten tıs saylauına jiberuge äzir ekenin ayttı. Federaciya Keñesiniñ Törağası Qazaqstannıñ Twñğış Prezidenti N.Nazarbaevqa izgi tilektestigin jetkize kelip, Elbasınıñ Qazaqstan memlekettiliginiñ damuına qosqan ülesin joğarı bağaladı jäne onıñ ıqpaldastıq üderisterdi ilgeriletudegi köşbasşılığın atap ötti.

Abai.kz

9 pikir