Jeksenbi, 20 Qazan 2019
Ekonomika 1140 7 pikir 15 Mamır, 2019 sağat 10:48

A. Mamin: Qazaqstan ekonomikasınıñ ösimi 4% qwradı

QR Prem'er-Ministri Asqar Maminniñ törağalığımen ötken Ükimet otırısında biılğı qañtar–säuir aylarındağı elimizdiñ äleumettik-ekonomikalıq damuı men respublikalıq byudjettiñ orındalu qorıtındıları qaraldı.

QR Ükimetiniñ basşısı Wlttıq bank törağasınıñ, wlttıq ekonomika, qarjı, industriya jäne infraqwrılımdıq damu ministrleriniñ, öñir äkimderiniñ bayandamaların tıñdağannan keyin, ekonomika ösiminiñ oñ qarqını saqtalğanın atap ötti.

JİÖ ösimi biılğı qañtar-säuir aylarında ötken jıldıñ säykes kezeñimen salıstırğanda 4% qwradı. Qwrılıs 8,4%-ğa, sauda-sattıq 7,3%-ğa, kölik salası 4,8%-ğa, maşina jasau 19,8%-ğa, onıñ işinde avtomobil' önerkäsibi 45,8%-ğa, metall kenderin öndiru 14%-ğa, mwnay öñdeu 9,1%-ğa jäne jeñil önerkäsip 27,4%-ğa ösip, ekonomikanıñ negizgi drayverlerine aynaldı.

«Osı qarqındı saqtap qana qoymay, ekonomikanı odan äri damıtu boyınşa şaralardı da qabıldau qajet», — dep tapsırdı QR Prem'er-Ministri.

Negizgi bazalıq körsetkişter boyınşa ekonomika ösimine Şığıs Qazaqstan, Qostanay, Türkistan, Pavlodar, Atırau oblıstarında qol jetkizilgen. Öz kezeginde, Mañğıstau, Aqmola oblıstarınıñ jäne Nwr-Swltan, Şımkent qalalarınıñ äkimdikterine QR Ükimetiniñ basşısı qwrılıs, investiciyalar, önerkäsip jäne twrğıs üydi paydalanuğa beru kölemderin arttıru jwmıstarın jandandırudı tapsırdı.

«Tömendeuge jol berilgen öñirlerdiñ äkimdikteri josparlı körsetkişterge şığuı qajet, al köş bastap twrğan öñirler qolda bar qarqındı tömendetpeui kerek», — dedi Asqar Mamin.

Osı jıldıñ tört ayınıñ qorıtındısı boyınşa respublikalıq byudjetke kirister — 2,1 trln teñgeni, ösim qarqını 119,4% qwradı. Esepti kezeñde respublikalıq byudjetti igeru 98,3% qwradı. QR Prem'er-Ministri A. Mamin bağdarlamalardıñ birqatar äkimşilerinde baqılanğan, byudjettiñ tolıq orındalmauına baylanıstı jwmıstı küşeytip, byudjet qarajattarın uaqıtılı igerudi qamtamasız etudi tapsırdı.

QR Ükimetiniñ basşısı mäseleni qarau qorıtındısın şığara otırıp, ekonomikanıñ twraqtı ösimin qamtamasız etudiñ mañızdılığın atap ötti.

«Qolda bar qorlardı tiimdi paydalanu qajet. “Nwrlı jol”, “Nwrlı jer”, Industriyalıq-innovaciyalıq damu bağdarlamaların jäne basqa da salalıq memlekettik bağdarlamalardıñ sapalı äri tolıq iske asırıluın qamtamasız etu qajet», — dep A. Mamin, «atalğan bağdarlamalardı iske asıru ekonomikanı damıtuğa eleuli serpin beretinin ayttı».

Ortalıq jäne jergilikti memlekettik organdarğa ekonomikanı damıtu qarqının jedeldetu üşin barlıq küş jigerdi jwmsau tapsırıldı.

Tüpnwsqa: primeminister.kz

Abai.kz

7 pikir