بەيسەنبى, 23 مامىر 2019
ەكونوميكا 659 7 پىكىر 15 مامىر, 2019 ساعات 10:48

ا. مامين: قازاقستان ەكونوميكاسىنىڭ ءوسىمى 4% قۇرادى

قر پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا بيىلعى قاڭتار–ساۋىر ايلارىنداعى ەلىمىزدىڭ الەۋمەتتىك-ەكونوميكالىق دامۋى مەن رەسپۋبليكالىق بيۋدجەتتىڭ ورىندالۋ قورىتىندىلارى قارالدى.

قر ۇكىمەتىنىڭ باسشىسى ۇلتتىق بانك توراعاسىنىڭ، ۇلتتىق ەكونوميكا، قارجى، يندۋستريا جانە ينفراقۇرىلىمدىق دامۋ مينيسترلەرىنىڭ، ءوڭىر اكىمدەرىنىڭ باياندامالارىن تىڭداعاننان كەيىن، ەكونوميكا ءوسىمىنىڭ وڭ قارقىنى ساقتالعانىن اتاپ ءوتتى.

ءجىو ءوسىمى بيىلعى قاڭتار-ءساۋىر ايلارىندا وتكەن جىلدىڭ سايكەس كەزەڭىمەن سالىستىرعاندا 4% قۇرادى. قۇرىلىس 8,4%-عا، ساۋدا-ساتتىق 7,3%-عا، كولىك سالاسى 4,8%-عا، ماشينا جاساۋ 19,8%-عا، ونىڭ ىشىندە اۆتوموبيل ونەركاسىبى 45,8%-عا، مەتالل كەندەرىن ءوندىرۋ 14%-عا، مۇناي وڭدەۋ 9,1%-عا جانە جەڭىل ونەركاسىپ 27,4%-عا ءوسىپ، ەكونوميكانىڭ نەگىزگى درايۆەرلەرىنە اينالدى.

«وسى قارقىندى ساقتاپ قانا قويماي، ەكونوميكانى ودان ءارى دامىتۋ بويىنشا شارالاردى دا قابىلداۋ قاجەت»، — دەپ تاپسىردى قر پرەمەر-ءمينيسترى.

نەگىزگى بازالىق كورسەتكىشتەر بويىنشا ەكونوميكا وسىمىنە شىعىس قازاقستان، قوستاناي، تۇركىستان، پاۆلودار، اتىراۋ وبلىستارىندا قول جەتكىزىلگەن. ءوز كەزەگىندە، ماڭعىستاۋ، اقمولا وبلىستارىنىڭ جانە نۇر-سۇلتان، شىمكەنت قالالارىنىڭ اكىمدىكتەرىنە قر ۇكىمەتىنىڭ باسشىسى قۇرىلىس، ينۆەستيتسيالار، ونەركاسىپ جانە تۇرعىس ءۇيدى پايدالانۋعا بەرۋ كولەمدەرىن ارتتىرۋ جۇمىستارىن جانداندىرۋدى تاپسىردى.

«تومەندەۋگە جول بەرىلگەن وڭىرلەردىڭ اكىمدىكتەرى جوسپارلى كورسەتكىشتەرگە شىعۋى قاجەت، ال كوش باستاپ تۇرعان وڭىرلەر قولدا بار قارقىندى تومەندەتپەۋى كەرەك»، — دەدى اسقار مامين.

وسى جىلدىڭ ءتورت ايىنىڭ قورىتىندىسى بويىنشا رەسپۋبليكالىق بيۋدجەتكە كىرىستەر — 2,1 ترلن تەڭگەنى، ءوسىم قارقىنى 119,4% قۇرادى. ەسەپتى كەزەڭدە رەسپۋبليكالىق بيۋدجەتتى يگەرۋ 98,3% قۇرادى. قر پرەمەر-ءمينيسترى ا. مامين باعدارلامالاردىڭ بىرقاتار اكىمشىلەرىندە باقىلانعان، بيۋدجەتتىڭ تولىق ورىندالماۋىنا بايلانىستى جۇمىستى كۇشەيتىپ، بيۋدجەت قاراجاتتارىن ۋاقىتىلى يگەرۋدى قامتاماسىز ەتۋدى تاپسىردى.

قر ۇكىمەتىنىڭ باسشىسى ماسەلەنى قاراۋ قورىتىندىسىن شىعارا وتىرىپ، ەكونوميكانىڭ تۇراقتى ءوسىمىن قامتاماسىز ەتۋدىڭ ماڭىزدىلىعىن اتاپ ءوتتى.

«قولدا بار قورلاردى ءتيىمدى پايدالانۋ قاجەت. “نۇرلى جول”، “نۇرلى جەر”، يندۋستريالىق-يننوۆاتسيالىق دامۋ باعدارلامالارىن جانە باسقا دا سالالىق مەملەكەتتىك باعدارلامالاردىڭ ساپالى ءارى تولىق ىسكە اسىرىلۋىن قامتاماسىز ەتۋ قاجەت»، — دەپ ا. مامين، «اتالعان باعدارلامالاردى ىسكە اسىرۋ ەكونوميكانى دامىتۋعا ەلەۋلى سەرپىن بەرەتىنىن ايتتى».

ورتالىق جانە جەرگىلىكتى مەملەكەتتىك ورگاندارعا ەكونوميكانى دامىتۋ قارقىنىن جەدەلدەتۋ ءۇشىن بارلىق كۇش جىگەردى جۇمساۋ تاپسىرىلدى.

تۇپنۇسقا: primeminister.kz

Abai.kz

7 پىكىر