Senbi, 20 Şilde 2019
Äleumet 1748 0 pikir 16 Mamır, 2019 sağat 18:05

Jalağaşta audandıq auruhananıñ irgetası qalandı

Qızılorda oblısı Jalağaş audanına audandıq auruhananıñ ğimaratı salınadı, - dep habarlaydı Abay-aqparat.

Bwl turalı oblıs äkimi Qırımbek Köşerbaevtıñ atalğan audanğa barğan saparı barısında mälim boldı.

Qırımbek Köşerbaev, Qızılorda oblısınıñ äkimi:

- Keşe oblısımızğa memleketimizdiñ Prezidenti Qasım-Jomart Kemelwlı Toqaev arnayı jwmıs saparı kelgenin bäriñiz bilesizder. Qasımjomart Kemelwlı Sır boyı Qazaqstannıñ äl-auqatı eselep, halqımızdıñ baq-berekesin arttırıp otırğan öñir ekenin atap ayttı. Sonday-aq, memleket basşısı Qızılorda oblısındağı industriyalandıru, qwrılıs jwmıstarına jäne käsipkerlik salağa öziniñ oñ bağasın berdi. Bwl bağalau barşa jwrtqa ortaq. Mwnda Sizderdiñ osı ölkeni damıtuğa qosqan ölşeusiz ülesteriñiz bar.  Biz mine, bügin Jalağaş audanında halıqqa sapalı medicinalıq qızmet körsetetin 100 orındıq jaña auruhana qwrılısın saludı bastadıq. Audandarıñızda jaña tiptegi, zamanaui qwraldarmen jabdıqtalğan auruhana salu eñ özekti mäselelerdiñ biri edi. Biz sol mäseleni şeşuge mümkindik alıp otırmız.

Oblıs basşısı öz qolımen auruhana irgetasın qalasıp, jalağaştıqtardı osı ülken quanışpen qwttıqtadı. Jalağaş audanı halqınıñ bastı mäseleleriniñ biri oñ şeşilgenine riza bolğan densaulıq saqtau salasınıñ ardageri Sahi Qalıbaev oblıs äkimine alğısın ayttı.

Esteriñizge sala keteyik, bwl auruhana qwrılısın paydalanuğa beru merzimi 2020 jılğa josparlanğan. Sonday-aq, soñğı eki jılda Qızılorda oblısında auıldıq emhana men därigerlik ambulatoriya sekildi 24 densaulıq saqtau nısanı aşılğan. Ol nısandardıñ bäri de soñğı tehnikalarmen jabdıqtalğan.

Däuren Seyitjanwlı

Abai.kz  

 

0 pikir