Jeksenbi, 15 Qırküyek 2019
Aymaq 1946 1 pikir 16 Mamır, 2019 sağat 18:31

Qırımbek Köşerbaev jañadan aşılğan birqatar nısandardı araladı

Qızılorda oblısınıñ äkimi Qırımbek Köşerbaevtıñ Jalağaş audanına jwmıs saparı barısında audandağı birqatar jañadan aşılğan nısandardı araladı, - dep habarlaydı Abay-aqparat. 

Oblıs äkimi Jalağaş audanına barğan saparında 2019 jıldıñ 1 mamırında twsauı kesilgen "Jibek" qonaq üy keşeninde boldı. Eki qabattı "Jibek" qonaq üyinde 4 keñse, 50 adamğa arnalğan ashana bar. Qonaq üydiñ 3 lyuks jäne 4 ekonom sanatındağı bölmeleri alğaşqı qonaqtarın qabılday bastağan. Qazirdiñ özinde jañadan aşılğan qonaq üyde 5 adam jwmıspen qamtıp otır.

Sonday-aq, osı sapar ayasında oblıs äkimi ötken jıldıñ tamız ayında bastalıp, 2019 jıldıñ 1 mamırında ayaqtalğan "Tañ LTD" JŞS et cehın aralap kördi. Bwl JŞS büginde är täulik sayın 1000 dana konservilengen et önimderin şığarıp, 14 adamdı jwmıspen qamtamassız etip otır. Ceh ğimaratında iri qara maldı soyu bölmesi, mwzdatqış, et kesu jäne bumalau bölmesi bar. Sonday-aq, mwnda veterinar, tehnolog jäne 2 zerthanaşı jwmıs isteydi.

Aymaq basşısı 2017 jılı aşılğan 24 adamdı jwmıspen qamtıp otırğan "Örken Älem" JŞS arnayı kiim tigu cehında da boldı. Atalmış ceh brondı keudeşe men arnayı kiimder tigedi. Cehtıñ jıldıq quatı –7000 danağa deyin brondı keudeşe tigedi.

Esteriñizge salamız, 2018 jılı Qızılorda oblısı äkimdigi, mäslihat, "Nwr Otan" partiyası filialı, qoğamdıq keñes jäne käsipkerler palatasınıñ birlesken şeşimimen 2018-2020 jj. Öñirde «Jappay käsipkerlikti damıtudıñ üş jıldığı» retinde jariyalanğan bolatın. Oblıs basşısı osı saparı barısında sol "üş jıldıqtıñ" Jalağaş audanında atqarılu barısın da pısıqtap qayttı.

Däuren Seyitjanwlı

Abai.kz

1 pikir