بەيسەنبى, 23 مامىر 2019
ايماق 633 1 پىكىر 16 مامىر, 2019 ساعات 18:31

قىرىمبەك كوشەرباەۆ جاڭادان اشىلعان بىرقاتار نىسانداردى ارالادى

قىزىلوردا وبلىسىنىڭ اكىمى قىرىمبەك كوشەرباەۆتىڭ جالاعاش اۋدانىنا جۇمىس ساپارى بارىسىندا اۋدانداعى بىرقاتار جاڭادان اشىلعان نىسانداردى ارالادى، - دەپ حابارلايدى اباي-اقپارات. 

وبلىس اكىمى جالاعاش اۋدانىنا بارعان ساپارىندا 2019 جىلدىڭ 1 مامىرىندا تۇساۋى كەسىلگەن "Jibek" قوناق ءۇي كەشەنىندە بولدى. ەكى قاباتتى "Jibek" قوناق ۇيىندە 4 كەڭسە، 50 ادامعا ارنالعان اسحانا بار. قوناق ءۇيدىڭ 3 ليۋكس جانە 4 ەكونوم ساناتىنداعى بولمەلەرى العاشقى قوناقتارىن قابىلداي باستاعان. قازىردىڭ وزىندە جاڭادان اشىلعان قوناق ۇيدە 5 ادام جۇمىسپەن قامتىپ وتىر.

سونداي-اق، وسى ساپار اياسىندا وبلىس اكىمى وتكەن جىلدىڭ تامىز ايىندا باستالىپ، 2019 جىلدىڭ 1 مامىرىندا اياقتالعان "تاڭ لتد" جشس ەت تسەحىن ارالاپ كوردى. بۇل جشس بۇگىندە ءار تاۋلىك سايىن 1000 دانا كونسەرۆىلەنگەن ەت ونىمدەرىن شىعارىپ، 14 ادامدى جۇمىسپەن قامتاماسسىز ەتىپ وتىر. تسەح عيماراتىندا ءىرى قارا مالدى سويۋ بولمەسى، مۇزداتقىش، ەت كەسۋ جانە بۋمالاۋ بولمەسى بار. سونداي-اق، مۇندا ۆەتەرينار، تەحنولوگ جانە 2 زەرتحاناشى جۇمىس ىستەيدى.

ايماق باسشىسى 2017 جىلى اشىلعان 24 ادامدى جۇمىسپەن قامتىپ وتىرعان "وركەن الەم" جشس ارنايى كيىم تىگۋ تسەحىندا دا بولدى. اتالمىش تسەح بروندى كەۋدەشە مەن ارنايى كيىمدەر تىگەدى. تسەحتىڭ جىلدىق قۋاتى –7000 داناعا دەيىن بروندى كەۋدەشە تىگەدى.

ەستەرىڭىزگە سالامىز، 2018 جىلى قىزىلوردا وبلىسى اكىمدىگى، ءماسليحات، "نۇر وتان" پارتياسى فيليالى، قوعامدىق كەڭەس جانە كاسىپكەرلەر پالاتاسىنىڭ بىرلەسكەن شەشىمىمەن 2018-2020 جج. وڭىردە «جاپپاي كاسىپكەرلىكتى دامىتۋدىڭ ءۇش جىلدىعى» رەتىندە جاريالانعان بولاتىن. وبلىس باسشىسى وسى ساپارى بارىسىندا سول ء"ۇش جىلدىقتىڭ" جالاعاش اۋدانىندا اتقارىلۋ بارىسىن دا پىسىقتاپ قايتتى.

داۋرەن سەيىتجانۇلى

Abai.kz

1 پىكىر