Särsenbi, 16 Qazan 2019
1652 1 pikir 23 Mamır, 2019 sağat 11:25

Nwr-Swltannan köp balalı 35 şañıraq Ekibastwzğa köşirildi

Nwr-Swltannan Pavlodar oblısınıñ Ekibastwz qalasına köp balalı 35 otbası köşirildi. Olarğa baspana men jwmıs berildi. Bwl turalı Azattıqqa astananıñ twrğın üy qorı direktorı Nwrswlu Qojahmetova habarladı.

Qojahmetovanıñ sözinşe, Pavlodar oblısınıñ äkimdigi köp balalı şañıraqtarğa kömektesuge äzir ekenin aytıp, wsınıs jasağan soñ mamırdıñ basında Nwr-Swltannan Ekibastwzğa 18 şañıraq köşken. "Nwrlı Ertis" dep atalatın bağdarlama ayasında köşip barğandarğa jaña salınğan twrğın üyden üş bölmeli päter berilgen. Äkimdik jwmısqa jaramdı adamdarğa qızmet wsınıp, balalardı mektepke, balabaqşağa ornalastıruğağa kömektespek.

— Olarğa bir jıl boyı kömek boladı. YAğni, kommunaldıq qızmet pen jaldau aqısın äkimdik tügel özi kötermek. Qazir köşkisi keletin otbasılarmen söylesip jatırmız. Ekibastwz äkimdigi bizdiñ üş-tört balası bar otbasılarğa da kömektesu turalı wsınısımızdı qabıl aldı. Olarğa eki bölmeli päterler berilmek, — dedi Nwrswlu Qojahmetova.

Aqpan ayında Nwr-Swltanda (sol kezdegi - Astana) bir otbasınıñ bes balası örtten qaza tapqan soñ köp balalı analar narazılıq tanıtıp, bilikten järdemaqı ösirudi talap etken. 27 aqpanda ötken "Nwr Otan" partiyasınıñ s'ezinde sol kezdegi prezident Nwrswltan Nazarbaev ükimetke är balağa säuirden bastap 21 mıñ teñge berudi tapsırğan. Bwl tapsırma negizinde parlament äzirlegen zañğa qazirgi prezident Qasım-Jomart Toqaev säuirdiñ basında qol qoyğan.

Abai.kz

1 pikir