Düysenbi, 23 Qırküyek 2019
965 1 pikir 10 Mausım, 2019 sağat 19:28

Saylauğa belsene aralasatın jastardıñ qatarı artıp keledi - «Amanat» platforması

Bügin «Amanat» azamattıq platforması saylau monitoringi boyınşa aralıq qorıtındısın şığardı. Onda saylau barısında ötken bwzuşılıqtar men jastar belsendiligi turalı da aytıldı.

«Saylau barısında bwzuşılıqtarğa qatıstı 165 auızşa eskertu jasaldı, onıñ bäri der kezinde joyıldı. Qosımşa 18 eskertu sol arada tüzelgen joq nemese bwl kemşilikter eleuli sanalıp, olar boyınşa aktiler toltırılğan. Sol 18 aktiniñ işinde 8-i saylau jäşigine toptap  byulleten'der saluğa qatıstı bolıp otır», - deydi platforma äkimşisi Lima Dias.

Bwl rette ol saylaudıñ Qazaqstan üşin erekşe bolğanın atap ötti. Mäselen, Prezident saylauı eldiñ ülken belsendiligi men jauapkerşiligin arttırıp, köptegen azamattarınıñ naqtı wstanım bildirip, qadam jasauına äser etken.

«Belsendilerdiñ cifrları da osını körsetedi, olar özderi de bayqauşı bolıp öz erikterimen proceske aralastı. Jas belsendiler ortaq qwndılıqtardı bölisip, platforma qızmetine de qatıstı. Qwrılğanımızğa eki ay bolğanına qaramastan, biz qatarımızğa 16 mıñğa juıq adam tarta aldıq. Qazaqstan boyınşa 700-ge juıq ükimettik emes wyım atsalıstı. Biz täuelsiz toptar men qoğamdıq wyımdarğa türtki boldıq. Nätijesinde qazirgi küni «Amanat» barlıq oblıstarda öziniñ ştabın aştı», - dedi Lima Dias.

Onıñ aytuınşa, platforma bes bağıtta jwmıs isteydi. Onıñ biri ädildik. Osı bağıtta täuelsiz bayqauşılardı dayarlau da jüzege asa bastağan. «Biz Qazaqstan boyınşa eñ köp täuelsiz bayqauşılardı dayarladıq. Saylau uçaskelerin 100 payız qamtıp, 11 mıñğa tarta täuelsiz bayqauşılardı jwmısqa kiristirdik. Bwl biz üşin ğana emes, elimiz üşin de alğaşqı täjiribe. Jetken jetistikpen toqtap qala almaymız, Bayqauşı boludı qalaytın azamattardıñ qatarı da  artıp kele jatır», - dedi ol.

Derekköz: QazAqparat

Abai.kz

1 pikir