بۇگىن «امانات» ازاماتتىق پلاتفورماسى سايلاۋ مونيتورينگى بويىنشا ارالىق قورىتىندىسىن شىعاردى. وندا سايلاۋ بارىسىندا وتكەن بۇزۋشىلىقتار مەن جاستار بەلسەندىلىگى تۋرالى دا ايتىلدى.

«سايلاۋ بارىسىندا بۇزۋشىلىقتارعا قاتىستى 165 اۋىزشا ەسكەرتۋ جاسالدى، ونىڭ ءبارى دەر كەزىندە جويىلدى. قوسىمشا 18 ەسكەرتۋ سول ارادا تۇزەلگەن جوق نەمەسە بۇل كەمشىلىكتەر ەلەۋلى سانالىپ، ولار بويىنشا اكتىلەر تولتىرىلعان. سول 18 اكتىنىڭ ىشىندە 8-ءى سايلاۋ جاشىگىنە توپتاپ  بيۋللەتەندەر سالۋعا قاتىستى بولىپ وتىر»، - دەيدى پلاتفورما اكىمشىسى ليما دياس.

بۇل رەتتە ول سايلاۋدىڭ قازاقستان ءۇشىن ەرەكشە بولعانىن اتاپ ءوتتى. ماسەلەن، پرەزيدەنت سايلاۋى ەلدىڭ ۇلكەن بەلسەندىلىگى مەن جاۋاپكەرشىلىگىن ارتتىرىپ، كوپتەگەن ازاماتتارىنىڭ ناقتى ۇستانىم ءبىلدىرىپ، قادام جاساۋىنا اسەر ەتكەن.

«بەلسەندىلەردىڭ تسيفرلارى دا وسىنى كورسەتەدى، ولار وزدەرى دە بايقاۋشى بولىپ ءوز ەرىكتەرىمەن پروتسەسكە ارالاستى. جاس بەلسەندىلەر ورتاق قۇندىلىقتاردى ءبولىسىپ، پلاتفورما قىزمەتىنە دە قاتىستى. قۇرىلعانىمىزعا ەكى اي بولعانىنا قاراماستان، ءبىز قاتارىمىزعا 16 مىڭعا جۋىق ادام تارتا الدىق. قازاقستان بويىنشا 700-گە جۋىق ۇكىمەتتىك ەمەس ۇيىم اتسالىستى. ءبىز تاۋەلسىز توپتار مەن قوعامدىق ۇيىمدارعا تۇرتكى بولدىق. ناتيجەسىندە قازىرگى كۇنى «امانات» بارلىق وبلىستاردا ءوزىنىڭ شتابىن اشتى»، - دەدى ليما دياس.

ونىڭ ايتۋىنشا، پلاتفورما بەس باعىتتا جۇمىس ىستەيدى. ونىڭ ءبىرى ادىلدىك. وسى باعىتتا تاۋەلسىز بايقاۋشىلاردى دايارلاۋ دا جۇزەگە اسا باستاعان. «ءبىز قازاقستان بويىنشا ەڭ كوپ تاۋەلسىز بايقاۋشىلاردى دايارلادىق. سايلاۋ ۋچاسكەلەرىن 100 پايىز قامتىپ، 11 مىڭعا تارتا تاۋەلسىز بايقاۋشىلاردى جۇمىسقا كىرىستىردىك. بۇل ءبىز ءۇشىن عانا ەمەس، ەلىمىز ءۇشىن دە العاشقى تاجىريبە. جەتكەن جەتىستىكپەن توقتاپ قالا المايمىز، بايقاۋشى بولۋدى قالايتىن ازاماتتاردىڭ قاتارى دا  ارتىپ كەلە جاتىر»، - دەدى ول.

دەرەككوز: قازاقپارات

Abai.kz