Jeksenbi, 16 Mausım 2019
Öner 542 0 pikir 12 Mausım, 2019 sağat 13:27

«Ürker» – jurnalistika salasındağı üzdik jülde

2017 jıldan bastap QR Aqparat jäne qoğamdıq damu ministrliginiñ wyımdastıruımen baspa, radio- jäne internet jurnalistika salasına arnalğan wlttıq «Ürker» sıylığı tabıstalıp keledi.

Atalğan konkurstiñ maqsatı – talanttı jurnalister men şığarmaşılıq wjımdardı anıqtau, olardıñ käsibi jurnalistikanı damıtuğa qosqan ülesterine qwrmet körsetu. «Ürker» sıylığı alğaş ret jariyalanğanda QR Aqparat jäne kommunikaciyalar ministri Däuren Abaev  bwl jobanıñ mañızdılığı jaylı aytqan bolatın.

- Otandıq televiziyanıñ üzdikteri «Twmar» sıylığımen marapattalğanı belgili. Osı orayda biz basqa BAQ ökilderiniñ eñbegin de eskergendi jön kördik. Sonımen, baspa, radio- jäne internet jurnalistika salasına arnalğan twñğış wlttıq «Ürker» sıylığın jariyalap otırmız,- degen edi ministr.

Wlttıq sıylıq baspa, radio, internet-jurnalistika salasındağı üzdik jetistikteri üşin beriledi, aymaqtardağı mul'timediyalıq jurnalistikanı damıtuğa ıqpal etuge, jurnalistika märtebesin arttıruğa, onı nasihattan erekşeleytin käsibi standarttar men kriterilerdi bekituge, azamattıq belsendiligin arttıruğa bağıttaladı.

«Ürker» sıylığı bwğan deyin eki märte joğarı deñgeyde wyımdastırılıp, üzdikter marapattalğan bolatın. Eki jıldıq täjiribege süyene otırıp «Ürker» wlttıq jüldesiniñ jurnalistika salasına öte kerek, bağalı joba ekenin senimmen aytuğa boladı.

Bwl jülde biıl da öz deñgeyinde ötedi dep josparlanıp otır. 25 mamırdan bastap «Ürker-2019» wlttıq sıylığına qatısu üşin ötinimder qabıldanıp jatır. Sıylıqtı jıldağıday QR Aqparat jäne qoğamdıq damu ministrligi wyımdastıradı.

«Ürker-2019» jüldesi tömendegi nominaciyalar boyınşa tabıstaladı:

1) Jıl fotografiyası;
2) Jıl reportajı;
3) Jıl analitikalıq materialı;
4) Jıl jurnalistik zertteui;
5) Jıl swhbatı;
6) Qazaqstan turalı jıldıñ tanımdıq materialı;
7) Jıl radiostanciyası;
8) Jıl aqparattıq portalı;
9) Jıl gazeti;
10) Jıl jurnalı;
11) Jıl new media (telegram-kanal, äleumettik jelilerdegi üzdik aqparattıq pablik).

Osı jılı dästürli nominaciyalardan bölek, «Jıl new media» nominaciyası tağayındalıp otır. Bwl nominaciyağa qatısu üşin ötinimdi tanımal aqparattıq telegram-kanaldar jäne äleumettik jelilerdegi belsendi toptar men pablikter bere aladı.

;feature=youtu.be

Üzdikterdi elimizdiñ media salasınıñ damuına eleuli üles qosqan tanımal media menedjerler, jurnalister, qoğam qayratkerlerinen qwrılğan komissiya ayqındaytın boladı. Jeñimpazdarğa 1 000 000 teñge jäne sıylıqtıñ arnayı estelik müsinşesi tabıstaladı.

Ötinimder 2019 jıldıñ 25 mamırı men 20 mausımı aralığında www.urker-awards.kz resmi saytında ornalastırılğan ülgige säykes qabıldanadı.

Abai.kz

0 pikir