«ۇركەر» – جۋرناليستيكا سالاسىنداعى ۇزدىك جۇلدە
2017 جىلدان باستاپ قر اقپارات جانە قوعامدىق دامۋ مينيسترلىگىنىڭ ۇيىمداستىرۋىمەن باسپا، راديو- جانە ينتەرنەت جۋرناليستيكا سالاسىنا ارنالعان ۇلتتىق «ۇركەر» سىيلىعى تابىستالىپ كەلەدى.
اتالعان كونكۋرستىڭ ماقساتى – تالانتتى جۋرناليستەر مەن شىعارماشىلىق ۇجىمداردى انىقتاۋ، ولاردىڭ كاسىبي جۋرناليستيكانى دامىتۋعا قوسقان ۇلەستەرىنە قۇرمەت كورسەتۋ. «ۇركەر» سىيلىعى العاش رەت جاريالانعاندا قر اقپارات جانە كوممۋنيكاتسيالار ءمينيسترى داۋرەن اباەۆ بۇل جوبانىڭ ماڭىزدىلىعى جايلى ايتقان بولاتىن.
- وتاندىق تەلەۆيزيانىڭ ۇزدىكتەرى «تۇمار» سىيلىعىمەن ماراپاتتالعانى بەلگىلى. وسى ورايدا ءبىز باسقا باق وكىلدەرىنىڭ ەڭبەگىن دە ەسكەرگەندى ءجون كوردىك. سونىمەن، باسپا، راديو- جانە ينتەرنەت جۋرناليستيكا سالاسىنا ارنالعان تۇڭعىش ۇلتتىق «ۇركەر» سىيلىعىن جاريالاپ وتىرمىز،- دەگەن ەدى مينيستر.
ۇلتتىق سىيلىق باسپا، راديو، ينتەرنەت-جۋرناليستيكا سالاسىنداعى ۇزدىك جەتىستىكتەرى ءۇشىن بەرىلەدى، ايماقتارداعى مۋلتيمەديالىق جۋرناليستيكانى دامىتۋعا ىقپال ەتۋگە، جۋرناليستيكا مارتەبەسىن ارتتىرۋعا، ونى ناسيحاتتان ەرەكشەلەيتىن كاسىبي ستاندارتتار مەن كريتەريلەردى بەكىتۋگە، ازاماتتىق بەلسەندىلىگىن ارتتىرۋعا باعىتتالادى.
«ۇركەر» سىيلىعى بۇعان دەيىن ەكى مارتە جوعارى دەڭگەيدە ۇيىمداستىرىلىپ، ۇزدىكتەر ماراپاتتالعان بولاتىن. ەكى جىلدىق تاجىريبەگە سۇيەنە وتىرىپ «ۇركەر» ۇلتتىق جۇلدەسىنىڭ جۋرناليستيكا سالاسىنا وتە كەرەك، باعالى جوبا ەكەنىن سەنىممەن ايتۋعا بولادى.
بۇل جۇلدە بيىل دا ءوز دەڭگەيىندە وتەدى دەپ جوسپارلانىپ وتىر. 25 مامىردان باستاپ «ۇركەر-2019» ۇلتتىق سىيلىعىنا قاتىسۋ ءۇشىن وتىنىمدەر قابىلدانىپ جاتىر. سىيلىقتى جىلداعىداي قر اقپارات جانە قوعامدىق دامۋ مينيسترلىگى ۇيىمداستىرادى.
«ۇركەر-2019» جۇلدەسى تومەندەگى نوميناتسيالار بويىنشا تابىستالادى:
1) جىل فوتوگرافياسى;
2) جىل رەپورتاجى;
3) جىل اناليتيكالىق ماتەريالى;
4) جىل جۋرناليستىك زەرتتەۋى;
5) جىل سۇحباتى;
6) قازاقستان تۋرالى جىلدىڭ تانىمدىق ماتەريالى;
7) جىل راديوستانتسياسى;
8) جىل اقپاراتتىق پورتالى;
9) جىل گازەتى;
10) جىل جۋرنالى;
11) جىل new media (telegram-كانال، الەۋمەتتىك جەلىلەردەگى ۇزدىك اقپاراتتىق پابليك).
وسى جىلى ءداستۇرلى نوميناتسيالاردان بولەك، «جىل new media» نوميناتسياسى تاعايىندالىپ وتىر. بۇل نوميناتسياعا قاتىسۋ ءۇشىن ءوتىنىمدى تانىمال اقپاراتتىق telegram-كانالدار جانە الەۋمەتتىك جەلىلەردەگى بەلسەندى توپتار مەن پابليكتەر بەرە الادى.
;feature=youtu.beۇزدىكتەردى ەلىمىزدىڭ مەديا سالاسىنىڭ دامۋىنا ەلەۋلى ۇلەس قوسقان تانىمال مەديا مەنەدجەرلەر، جۋرناليستەر، قوعام قايراتكەرلەرىنەن قۇرىلعان كوميسسيا ايقىندايتىن بولادى. جەڭىمپازدارعا 1 000 000 تەڭگە جانە سىيلىقتىڭ ارنايى ەستەلىك مۇسىنشەسى تابىستالادى.
وتىنىمدەر 2019 جىلدىڭ 25 مامىرى مەن 20 ماۋسىمى ارالىعىندا www.urker-awards.kz رەسمي سايتىندا ورنالاستىرىلعان ۇلگىگە سايكەس قابىلدانادى.
Abai.kz
