Jwma, 19 Şilde 2019
Alañ 1244 10 pikir 14 Mausım, 2019 sağat 13:53

«Zañsız mitingke qatısqandar jazağa tartıldı»

Ortalıq kommunikaciyalar qızmetinde ötken brifingte Bas prokuratura men İşki ister ministrliginiñ ökilderi eldegi qwqıqtıq tärtiptiñ jay-küyi turalı ayttı. Bwl turalı QR Bas prokuraturasınıñ baspasöz qızmeti habarladı.

Bas prokuraturanıñ Qızmet bastığı Saparbek Nwrpeyisov öz sözinde prokuratura birneşe ret eskertuine qaramastan, jekelegen adamdar arandatuşılarğa erip, mitingilerge şığıp, tärtip saqşılarına şabuıl jasağan. Nätijesinde, üş policiya qızmetkeri zaqımdandı. Bwl rette osı äreketterge jauap retinde policiya qızmetkerleri azamattarğa arnayı qwraldar qoldanbağan.

Spiker azamattardıñ tınıştığın qorğau üşin öreskel zañ bwzuşılardı policiya bölimderine jetkizgendigin atap ötti.

 Zañsız akciyağa qatısqanı, policiya qızmetkerleriniñ zañdı talaptarına bağınbağanı üşin 957 adamdı sot äkimşilik jauaptılıqqa tarttı, onıñ işinde qamauğa alınğanı - 670, ayıppwlğa – 115 jäne 172 adamğa eskertu jasaldı.

12 mausımda Memleket basşısı Bas Prokurorğa azamattardıñ zañdı qwqıqtarın qamtamasız etu boyınşa dereu şaralar qabıldaudı tapsırğanın eske salamız.

 «Wstalğan twlğalardıñ naqtı sanı men olardıñ kinälarınıñ deñgeyin anıqtau qajet. Narazılıq ornında kezdeysoq bolğan kinäsiz azamattar men twlğalardı bosatu kerek»,- dedi Qasım-Jomart Toqaev.

Osığan baylanıstı qadağalau ökilettigi ayasında prokurorlar 311 adamğa qatıstı sotqa qamau merzimin tömendetu turalı apellyaciyalıq ötinişhat engizidi jäne ol qanağattandırıldı.

Büginde arnayı qabıldau mekemelerinde 180 adam qamauda jazasın öteude

Abai.kz

10 pikir