جەكسەنبى, 15 قىركۇيەك 2019
الاڭ 1349 10 پىكىر 14 ماۋسىم, 2019 ساعات 13:53

«زاڭسىز ميتينگكە قاتىسقاندار جازاعا تارتىلدى»

ورتالىق كوممۋنيكاتسيالار قىزمەتىندە وتكەن بريفينگتە باس پروكۋراتۋرا مەن ىشكى ىستەر مينيسترلىگىنىڭ وكىلدەرى ەلدەگى قۇقىقتىق ءتارتىپتىڭ جاي-كۇيى تۋرالى ايتتى. بۇل تۋرالى قر باس پروكۋراتۋراسىنىڭ ءباسپاسوز قىزمەتى حابارلادى.

باس پروكۋراتۋرانىڭ قىزمەت باستىعى ساپاربەك نۇرپەيىسوۆ ءوز سوزىندە پروكۋراتۋرا بىرنەشە رەت ەسكەرتۋىنە قاراماستان، جەكەلەگەن ادامدار ارانداتۋشىلارعا ەرىپ، ميتينگىلەرگە شىعىپ، ءتارتىپ ساقشىلارىنا شابۋىل جاساعان. ناتيجەسىندە، ءۇش پوليتسيا قىزمەتكەرى زاقىمداندى. بۇل رەتتە وسى ارەكەتتەرگە جاۋاپ رەتىندە پوليتسيا قىزمەتكەرلەرى ازاماتتارعا ارنايى قۇرالدار قولدانباعان.

سپيكەر ازاماتتاردىڭ تىنىشتىعىن قورعاۋ ءۇشىن ورەسكەل زاڭ بۇزۋشىلاردى پوليتسيا بولىمدەرىنە جەتكىزگەندىگىن اتاپ ءوتتى.

 زاڭسىز اكتسياعا قاتىسقانى، پوليتسيا قىزمەتكەرلەرىنىڭ زاڭدى تالاپتارىنا باعىنباعانى ءۇشىن 957 ادامدى سوت اكىمشىلىك جاۋاپتىلىققا تارتتى، ونىڭ ىشىندە قاماۋعا الىنعانى - 670, ايىپپۇلعا – 115 جانە 172 ادامعا ەسكەرتۋ جاسالدى.

12 ماۋسىمدا مەملەكەت باسشىسى باس پروكۋرورعا ازاماتتاردىڭ زاڭدى قۇقىقتارىن قامتاماسىز ەتۋ بويىنشا دەرەۋ شارالار قابىلداۋدى تاپسىرعانىن ەسكە سالامىز.

 «ۇستالعان تۇلعالاردىڭ ناقتى سانى مەن ولاردىڭ كىنالارىنىڭ دەڭگەيىن انىقتاۋ قاجەت. نارازىلىق ورنىندا كەزدەيسوق بولعان كىناسىز ازاماتتار مەن تۇلعالاردى بوساتۋ كەرەك»،- دەدى قاسىم-جومارت توقاەۆ.

وسىعان بايلانىستى قاداعالاۋ وكىلەتتىگى اياسىندا پروكۋرورلار 311 ادامعا قاتىستى سوتقا قاماۋ مەرزىمىن تومەندەتۋ تۋرالى اپەللياتسيالىق ءوتىنىشحات ەنگىزىدى جانە ول قاناعاتتاندىرىلدى.

بۇگىندە ارنايى قابىلداۋ مەكەمەلەرىندە 180 ادام قاماۋدا جازاسىن وتەۋدە

Abai.kz

10 پىكىر