Seysenbi, 22 Qazan 2019
Arılu 1388 19 pikir 18 Mausım, 2019 sağat 11:50

İİM: "300-den astam policiya qızmetkeri türli jaraqat aldı"

Birqatar öñirlerde 9-12 mausım aralığında elimizdegi twraqtılıqtı bwzuğa bağıttalğan sankciyalanbağan akciyalar kezinde 300-den astam policiya qızmetkeri türli jaraqat alğan, - dep habarlaydı İİM baspasöz qızmeti. 

Akciyağa qatısuışalarğa prokuratura qızmetkerler beybit mitingiler, jinalıstar men şeruler ötkizu tärtibi turalı zañ erejeleri tüsindirildi, sonday-aq sankciyalanbağan mitingiler wyımdastırğanı üşin jauapkerşilik turalı da tüsindiru jwmıstarı jürgizildi.

Jekelegen adamdar äkimdikter men prokuratura ökilderiniñ zañdı talaptarına bağınbay, özge azamattardıñ tınıştığı men ömirine, densaulığına qauip töndirdi, qwqıqtıq tärtipti qorğağan policiya qızmetkerlerine qarsı keldi.

Osığan baylanıstı policiyanıñ jäne Wlttıq wlannıñ küşimen qoğamdıq tınıştığı men azamattardı qorğauğa bağıttalğan şaralar qabıldandı. Qwqıq bwzuşılar policiyağa  äkelindi jäne sot tärtibimen äkimşilik jauapkerşilikke tartıldı.

Qwqıq bwzuşılıqtardıñ jolın kesu kezinde arnayı qwraldar qabıldanğanın atap ötu qajet. Barlıq is-şaralar zañğa säykes jürgizildi, tärtip saqşıları azamattarmen ara-qatınasta özderin barınşa ädepti wstadı.

Sonımen birge akciyanıñ jolın kesu kezinde 300-den astam policiya qızmetkeri türli jaraqat aldı, beseuine medicinalıq kömek boldı.

Narazılardıñ bwrıştı ballon qoldanğan saldarınan jedel den qoyu arnayı jasağı qızmetkeriniñ eki közin küyik şaldı.

Basına tas tigen qızmetker miı şayqalğan jäne bas jaraqatı diagnozımen medicinalıq mekemege jetkizildi, ol bwl dene jaraqatın Nwr-Swltan qalasında qwqıqtıq tärtipti qamtamasız etu kezinde aldı.

Sonımen qatar tünde Almatı qalasında zañsız akciyağa kölikterimen qatısqandar jol qozğalısın rettemek bolğan policiya qızmetkerin qağıp ketti. Därigerler onıñ ayağı sınğanın anıqtadı.

İşki ister organdarı bwdan äri de qoğamdıq tärtipti bwzuşılıqtardıñ jolın kesu, azamattardıñ qauipsizdigi men tınıştığın qamtamasız etude zañda közdelgen barlıq şaralardı qabıldaytın boladı.

Qazaqstan Respublikası İİM Baspasöz qızmeti

Abai.kz

19 pikir