جۇما, 19 شىلدە 2019
ارىلۋ 1158 19 پىكىر 18 ماۋسىم, 2019 ساعات 11:50

ءىىم: "300-دەن استام پوليتسيا قىزمەتكەرى ءتۇرلى جاراقات الدى"

بىرقاتار وڭىرلەردە 9-12 ماۋسىم ارالىعىندا ەلىمىزدەگى تۇراقتىلىقتى بۇزۋعا باعىتتالعان سانكتسيالانباعان اكتسيالار كەزىندە 300-دەن استام پوليتسيا قىزمەتكەرى ءتۇرلى جاراقات العان، - دەپ حابارلايدى ءىىم ءباسپاسوز قىزمەتى. 

اكتسياعا قاتىسۋىشالارعا پروكۋراتۋرا قىزمەتكەرلەر بەيبىت ميتينگىلەر، جينالىستار مەن شەرۋلەر وتكىزۋ ءتارتىبى تۋرالى زاڭ ەرەجەلەرى ءتۇسىندىرىلدى، سونداي-اق سانكتسيالانباعان ميتينگىلەر ۇيىمداستىرعانى ءۇشىن جاۋاپكەرشىلىك تۋرالى دا ءتۇسىندىرۋ جۇمىستارى جۇرگىزىلدى.

جەكەلەگەن ادامدار اكىمدىكتەر مەن پروكۋراتۋرا وكىلدەرىنىڭ زاڭدى تالاپتارىنا باعىنباي، وزگە ازاماتتاردىڭ تىنىشتىعى مەن ومىرىنە، دەنساۋلىعىنا قاۋىپ ءتوندىردى، قۇقىقتىق ءتارتىپتى قورعاعان پوليتسيا قىزمەتكەرلەرىنە قارسى كەلدى.

وسىعان بايلانىستى پوليتسيانىڭ جانە ۇلتتىق ۇلاننىڭ كۇشىمەن قوعامدىق تىنىشتىعى مەن ازاماتتاردى قورعاۋعا باعىتتالعان شارالار قابىلداندى. قۇقىق بۇزۋشىلار پوليتسياعا  اكەلىندى جانە سوت تارتىبىمەن اكىمشىلىك جاۋاپكەرشىلىككە تارتىلدى.

قۇقىق بۇزۋشىلىقتاردىڭ جولىن كەسۋ كەزىندە ارنايى قۇرالدار قابىلدانعانىن اتاپ ءوتۋ قاجەت. بارلىق ءىس-شارالار زاڭعا سايكەس جۇرگىزىلدى، ءتارتىپ ساقشىلارى ازاماتتارمەن ارا-قاتىناستا وزدەرىن بارىنشا ادەپتى ۇستادى.

سونىمەن بىرگە اكتسيانىڭ جولىن كەسۋ كەزىندە 300-دەن استام پوليتسيا قىزمەتكەرى ءتۇرلى جاراقات الدى، بەسەۋىنە مەديتسينالىق كومەك بولدى.

نارازىلاردىڭ بۇرىشتى باللون قولدانعان سالدارىنان جەدەل دەن قويۋ ارنايى جاساعى قىزمەتكەرىنىڭ ەكى كوزىن كۇيىك شالدى.

باسىنا تاس تيگەن قىزمەتكەر ميى شايقالعان جانە باس جاراقاتى دياگنوزىمەن مەديتسينالىق مەكەمەگە جەتكىزىلدى، ول بۇل دەنە جاراقاتىن نۇر-سۇلتان قالاسىندا قۇقىقتىق ءتارتىپتى قامتاماسىز ەتۋ كەزىندە الدى.

سونىمەن قاتار تۇندە الماتى قالاسىندا زاڭسىز اكتسياعا كولىكتەرىمەن قاتىسقاندار جول قوزعالىسىن رەتتەمەك بولعان پوليتسيا قىزمەتكەرىن قاعىپ كەتتى. دارىگەرلەر ونىڭ اياعى سىنعانىن انىقتادى.

ىشكى ىستەر ورگاندارى بۇدان ءارى دە قوعامدىق ءتارتىپتى بۇزۋشىلىقتاردىڭ جولىن كەسۋ، ازاماتتاردىڭ قاۋىپسىزدىگى مەن تىنىشتىعىن قامتاماسىز ەتۋدە زاڭدا كوزدەلگەن بارلىق شارالاردى قابىلدايتىن بولادى.

قازاقستان رەسپۋبليكاسى ءىىم ءباسپاسوز قىزمەتى

Abai.kz

19 پىكىر