Düysenbi, 21 Qazan 2019
46 - söz 2186 11 pikir 20 Mausım, 2019 sağat 11:30

Endi "qazaq faktorı" barlıq salada röl oynaytın boladı

Soñğı oqiğalar halıqtıñ şeşilmey jatqan äleumettik mäselesi, demokratiyağa degen wmtılısı men şınayı bostandıq sezimine degen talpınısınan bölek, qazaq faktorınıñ öskenin körsetti.

Endi bwl memlekette şınayı özgeristi qazaq wltı jasaytın boladı. Öytkeni qazirgi Qazaqstan ol 1939 jılğı qazaqtıñ sanı 37 % bolğan Qazaqstan emes. Qazirgi Qazaqiya 1959 jılğı qazaqtıñ sanı öz jerinde nebäri 28%-dı qwrağan Qazaqstan emes. Qazaqtıñ sanı 36% qwrağan 1979 jılğı nemese 39% qwrağan 1989 jılğı Qazaqstan emes. Qazirgi Qazaqstan 70% qazaqtan twratın jaña Qazaqstan. Qazirgi Qazaqstan - qazaqtardan twratın Qazaqstan!

Demek, endi "qazaq faktorı" barlıq salada röl oynaytın boladı. Aldağı on jılda, bizneste, mädeniet pen öner, bilim men äskeri sala, ğılım men medicina jäne t.b 90% qazaqtardan twradı. Qazaqstandağı sayasi-qoğamdıq qozğalıs bağıtın qazaqtar anıqtaydı. Qazirdiñ özinde solay bolıp jatır.

Endeşe biliktiñ esi dwrıs bolsa, onda ol osı şınayılıqtı moyındau kerek jäne soğan say äreket jasauı tiis. Memlekettik kez kelgen bağdarlamanı qabıldar aldında qazaq faktorın eskerui mindetti. Ötirik köpwlttılıq degendi qoyıp, on-on bes jıldan keyin orın alatın monowlttılıqqa dayındalu kerek. Ol tabiği process.

On jılda qoğam qazaq tildi boladı. Öytkeni urbanizaciya qaladağı qazaqtıñ sanın odan sayın arttıradı. Olay bolsa bizdiñ bilik qazaqtildi boluı kerek. Öytpese qoğam men bilik arasındağı köpir üziledi.
Qazirden bastap bilik tituldı wlttıñ basındağı äleumettik mäselelerdi(üy, bilim, auız su, jol) şeşip, ruhani azıqtı (Aşarşılıq, Quğın-sürgin küni, Täuelsizdik merekesi, Rämizder küni) barınşa küşeytu kerek.

Ashat Qasenğalidıñ facebook paraqşasınan

Abai.kz

11 pikir