Seysenbi, 22 Qazan 2019
Dep jatır 1199 4 pikir 21 Mausım, 2019 sağat 09:07

Qanat Bozımbaev: "Halıq "joq" dese, eşkim eşteñe salmaydı"

Halıq pikirin eskere otırıp, atom elektr stanciyasın saluğa baylanıstı şeşim qabıldanadı" dedi Qazaqstannıñ energetika ministri Qanat Bozımbaev 20 mausımda twrğındarğa esep beru jiınında.

"Halıq pikirin eskeru degenimiz ne? Bwl halıq arasında saualnama jürgizu nemese referendum ötkizu. Sondıqtan alañdamañızdar: eger AES salınsa, mindetti türde ol jaylı estisizder, bilesizder. Halıq öz pikirin aytadı. Eger "joq" dese, eşkim eşteñe salmaydı. Siz ben biz Semey sınaq poligonın bastan ötkerdik, mwnı jaqsı tüsinemiz. Qanşama adam zardap şekti. Bwl jadı - onı "gendik jadı" dep ataymız. Bwl qoğamda AES-tiñ salınbauın qoldaytın köñil-küydi qalıptastırıp otır. Qalay bolğanda da, AES salu boyınşa jospar, şeşim qabıldanğan joq" dedi ministr.

Bwğan deyin jergilikti aqparat agenttikteri "Qazaqstanda AES salu boyınşa tender jariyalanğanın", "birqatar halıqaralıq kompaniyalardıñ oğan qatısudı josparlap otırğanın" habarlağan. Osı aqparattı meñzegen ministr eger qanday da bir şetel wyımdarı ne kompaniyalar tüsinikteme berse, bwl olardıñ Qazaqstanğa öz önimin satqısı kelgeninen habar beredi degen.

Säuir ayınıñ basında Reseyge saparlap barğan Qazaqstan prezidenti Qasım-Jomart Toqaevpen kezdesude prezident Vladimir Putin Qazaqstanda "reseylik tehnologiya" boyınşa AES salu turalı wsınıs aytqan. Bwl äleumettik jelide qızu talqılanıp, qoldanuşılar ärtürli pikir bildirgen.

Kelesi küni energetika vice-ministri Mağzwm Mırzağaliev stanciya qwrılısına qatıstı naqtı şeşim qabıldanbağanın, alayda atom elektr stanciyası ornalasuı mümkin aumaq retinde Kurçatov qalası men Ülken auılın atağan.

Elde mamır ayında bolğan narazılıq şaralarında özge wrandarmen qatar "AES salınbasın!" degen talap ta bolğan.

Abai.kz

4 pikir