Beysenbi, 2 Säuir 2020
1789 3 pikir 26 Mausım, 2019 sağat 18:37

Prezident aqparat salasındağı sıylıqtar men granttardı tapsırdı

Qasım-Jomart Toqaev räsim kezinde sıylıq laureattarı men grant ielerin, alğıs jariyalanğan şığarmaşılıq wjımdardı jäne barlıq jurnalister qauımın kele jatqan käsibi merekelerimen qwttıqtadı.

– Bwqaralıq aqparat qwraldarı – jañalıqtıñ jarşısı.  El işindegi jäne älemdegi oqiğalardan halıqqa şwğıl äri şınayı aqparat taratu – Sizderdiñ käsibi eñbekteriñiz.  Sondıqtan, Sizderdiñ qoğamdıq mañızı zor qızmetteriñizge biz ärqaşan qwrmetpen qaraymız, bağalaymız. Meniñ tapsırmam boyınşa Ükimet arnayı qaulımen Qazaqstan jurnalisteriniñ käsibi merekesin bekitti, – dedi Prezident.

Qasım-Jomart Toqaev ozıq tehnologiya zamanında media salasınıñ mümkindikteri öte auqımdı ekenin atap ötti. Memleket basşısı jurnalistikanıñ jaña däuirinde ğalamtor jelisi men äleumettik jelilerdiñ ayrıqşa röline toqtalıp, aqparattıñ aşıq, jedel jäne qoljetimdi boluı jetistiktiñ bastı ölşemderine aynalğanın ayttı.

– Memlekettiñ äleuetin nığaytu, ekonomikanı damıtu, azamattardıñ twrmıs sapasın arttıru – büginde elimizdiñ aldında twrğan mañızdı mindetter. Otandıq media-qauımdastıqtıñ sındarlı negizde wyısuı, jurnalisterdiñ belsendi azamattıq wstanımı, olardıñ käsibi deñgeyi jäne ädildigi – aqparattıq keñistiktegi tabıstı jwmıstıñ negizgi şarttarı. Memleket öz tarapınan BAQ-qa qoldau körsete beredi, – dep atap ötti Prezident.

«Jas Örken» JŞS bas direktorı Jüsipbek Qorğasbekke, «Komsomol'skaya Pravda – Qazaqstan» gazetiniñ bas redaktorı – Viktor Kiyanicağa, «Ana tili» gazetiniñ bas redaktorı – Janarbek Äşimjanğa, «Astana» telearnasınıñ redaktorı – Jayna Jaqsılıqovağa Memleket basşısınıñ Ökimimen sıylıq tağayındaldı.

Granttar «Habar 24» telearnasınıñ tilşisi – Rauan Mıñbaevqa, «Qazaqstan» teleanasındağı «Mäsele» taldamalıq bağdarlamasınıñ jürgizuşisi Nartay Särsenğalievke,
«Qazaqstan» teleradiokorporaciyası Mañğıstau oblıstıq filialınıñ şef-redaktorı Asem Sartbaevağa tapsırıldı.

«Egemen Qazaqstan», «Ekspress K», «Znamya truda» jäne «Şalqar» radiosı şığarmaşılıq wjımdarına Qazaqstan Respublikası Prezidentiniñ alğısı jariyalandı.

Qasım-Jomart Toqaevtıñ Alğıs hattarın «Ayqın» gazetiniñ bas redaktorı Nwrtöre Jüsip, «Habar» telearnası taldamalıq bağdarlamalar böliminiñ şef-redaktorı Aleksandr Truhaçev, «Qazaqstan» telearnasınıñ jürgizuşileri Qımbat Dosjan jäne Dana Nwrjigit, «Habar 24» telearnasınıñ şef-redaktorı Şalqar Qojaev, «Qazaqstan» telearnasınıñ aqparattıq-saraptamalıq bağdarlamalar direkciyasınıñ direktorı Erlan Atambay, «Liter» gazeti bas redaktorınıñ orınbasarı Janna Oyşıbaeva, «KTK» telearnasınıñ bas direktorı El'mira Djamilova, sonday-aq «Qazaqparat» HAA jäne «Jetisu» telearnası aldı.

Qazaqstan-Resey jäne Qazaqstan-Qıtay ıntımaqtastığın nığaytuğa belsendi atsalısqanı üşin Bükilreseylik memlekettik televiziya jäne radio habarların taratu kompaniyası men «CCTV» Halıqaralıq telearnası Qazaqstan Prezidentiniñ Alğıs hattarımen marapattaldı.

Memleket basşısınıñ atınan elimizdiñ barlıq öñirlerine jiberilgen alğıs hattar üzdik jurnalisterge saltanattı türde tabıs etiletin boladı.

Abai.kz

3 pikir