Senbi, 20 Şilde 2019
Jazılğan jaydıñ jalğası... 1661 25 pikir 3 Şilde, 2019 sağat 13:29

Toqaev Abai.kz kötergen mäseleni şeşudi tapsırdı

Qazaqstan prezidenti Qasım-Jomart Toqaev Qostanaydağı qazaq mektebine qatıstı mäseleni jaña oqu jılına deyin şeşudi tapsırdı. Memleket basşısı Bilim jäne ğılım ministri men oblıs äkimine bergen tapsırmasın Twitter jelisindegi jeke parqşasında jazdı.

- Jergilikti twrğındardıñ pikirine qarağanda, Qostanaydağı qazaq tilinde bilim beretin jalğız mektepke qatıstı kürdeli jağday qalıptasıp otır. Bilim ministri jäne oblıs äkimi barlıq mäseleni jaña oqu mausımına deyin şeşui tiis, - dep jazdı Prezident.

Qostanaydağı jalğız qazaq bastauış mektebine qatıstı "Abai.kz" aqparattıq portalı alğaşqılardıñ biri bolıp, mäsele kötergen edi.

Mäseleniñ naqtı män-jayı mınaday: Qostanay äkimdigi Sırbay Mäulenov atındağı №24 bastauış mektepti Borodin köşesindegi bwrınğı Qostanay käsiptik-tehnikalıq kolledjiniñ ğimaratına köşirudi közdegen. Al mekteptiñ ğimaratın balabaqşağa aynaldıru josparlanğan eken. Alayda oquşılardıñ ata-anaları jergilikti biliktiñ bwl bastamasına qarsı şıqqan.

Osı mäselegen baylanıstı, bwğan deyin Abai.kz portalında eki birdey maqala jariyalandı. 26 mausım küni jariyalanğan alğaşqı maqalada Qostanay qalası äkimdiginiñ qaladağı Altınsarin köşesi, 107 meken jayında ornalasqan bastauış bilim beretin №24 mektep-gimnaziyanı Borodin köşesi 138/1 boyında twrğan bwrınğı käsiptik-tehnikalıq kolledj ğimaratına köşirgeli jatqanın jazdıq.

Al 27 mausımda jariyalanğan ekinşi maqalada №24 bastauış mektepti qoyma-qopsısı köp, küyi qaşqan «Stroitel'» audanındağı keñ ğimaratqa köşiru turalı qala äkiminiñ bastaması qostanaylıq ata-analar tarapınan qoldau tappağannan keyin, şeşim keyin qaytarılğanı jazıldı.

Qostanay qalası äkimdiginiñ qala ortalığındağı jalğız qazaq bastauış mektebin şalğayğa köşiru turalı şeşimi memleket basşısınıñ nazarına jetip otır. Bwl mäsele endi oñ şeşimin tabadı dep senemiz.

Аятжан Ахметжанұлы суреті.

Abai.kz

25 pikir