Beysenbi, 12 Jeltoqsan 2019
Pikir 2891 23 pikir 5 Şilde, 2019 sağat 11:09

Ministr: Keşirim swrau - äskeriler men arıstıqtar arasındağı mäsele

Arıstağı oqiğağa baylanıstı pikir aytıp, sınğa wşırağan qorğanıs ministri Nwrlan Ermekbaev 4 şildede "keşirim swrau mäselesi - bwl äskeriler jäne Arıs twrğındarı arasındağı mäsele" dedi.

Ol Arıstağı oqiğadan zardap şekken otbasılarğa köñil aytıp, beybit uaqıtta mwnday tötenşe oqiğalar bolmauı tiis dedi.

"Eldiñ qorğanıs küşterinde qızmet etetin barlıq äskeriler zardap şekkenderdiñ qayğısına ortaqtasadı. Äskeri borışın öteuge barğan kez kelgen äskeri qızmetker sanalı türde täuekelge barıp, jauapkerşilikti moynına aladı. Sondıqtan äskeri qızmetker üşin täuekelge baru - tabiği qwbılıs. Biraq beybit zamanda ärine, mwnday apat bolmauı tiis, bwl qalıptı närse emes. Sondıqtan qazir jan-jaqtı tergeu jürip jatır. Kinäliler qatañ jauapkerşilikke tartıladı, eşkim olardı jasırıp, aqtamaydı. Keşirim swrau mäselesi - bwl äskeri qızmetkerler, men jäne Arıs twrğındarı arasındağı mäsele" dedi ministr.

3 şildede Nwrlan Ermekbaev üş adam qaza tauıp, mıñnan astam nısannıñ bülinuine sebep bolğan Arıstağı jarılıstı "tabiği qwbılıs" dep atap, halıqtan "keşirim swraudıñ retin körip twrğan joqpın" dep mälimdegen edi. Ministrdiñ mälimdemesinen keyin äleumettik jeli qoldanuşıları onıñ pikirin sınağan.

24 mausımda Türkistan oblısı Arıs qalasındağı äskeri qoyma jarıldı. Densaulıq saqtau ministrliginiñ dereginşe, jarılıstan üş adam (Arıs twrğını men eki äskeri) qaza tauıp, 400-den astam adam däriger kömegine jügingen. Tötenşe jağday komitetiniñ mälimetinşe, Arıstağı üylerdiñ 85 payızı bülingen.

Qazaqstan ükimetiniñ habarlauınşa, jarılıs bolğan küni 39 mıñ adam öz küşimen qalanı tastap şıqqan, üş mıñnan astam adam Türkistan oblısı äkimdigi wsınğan avtobustarmen Şımkentke jetken. 27 mausımda Şımkentte şeruge şıqqan jüzdegen arıstıq soñğı on jıl işinde törtinşi ret jarılıs bolğan Arıs qalasına barmaytının aytıp, bilikten özderin basqa jaqqa köşirudi talap etken. Al Türkistan oblısı äkimdigi men Şımkent äkimdigi "Arıs twrğındarına beretin üy joq" degen.

28 mausımda Şımkent pen körşi eldi mekenderdi uaqıtşa panalağan arıstıqtar üylerine oraldı.

Arıs qalasında bwğan deyin birneşe ret jarılıs bolğan. 2015 jılı qaraşada qaladağı poligon aumağındağı jarılıstan bir adam mert bolğan edi. Resmi aqparat boyınşa, jarılıs äskeri oq-däri men öndiris qaldıqtarın joyu kezinde bolğan.

2014 jılı Arıstağı "Qazaqjarılısönerkäsibi" akcionerlik qoğamı aumağında bolğan jarılıs saldarınan eki adam qaza tapqan.

On jıl bwrın, 2009 jılı naurızda Arıstağı qoymada jarılğış zattar jarılıp, saqtaulı twrğan oq-däri atılğan. Ol oqiğadan tört adam qaza tauıp, jiırmağa tarta adam japa şekken edi. Resmi bilik jarılısqa qoymadağı qarudıñ dwrıs saqtalmauı jäne jarılğış zatpen dwrıs jwmıs istemeu sebep boldı dep mälimdegen.

Abai.kz

23 pikir