Beysenbi, 12 Jeltoqsan 2019
46 - söz 1349 0 pikir 9 Şilde, 2019 sağat 09:54

Gonkoñdağı şeru...

Beretin jerimiz onsız da joq!
– Qıtayğa adamdardı beru toqtatılsın! – degen wranmen qanşa aptadan beri Gonkoñda şeruler ötip jatır.

Bügin tüske qaray apam ekeumiz "Jwldızdar Alañına" qaray suretke tüsuge bet aldıq. Alañ Gonkoñ Öner mwrajayınıñ (iä, muzey emes...) qasında ornalasqan. Jaqınday bergende qara kiimdi jas adamdar jinala bastağanın kördik. Apam bir mereke dep oylap kele jatqan boluı kerek. Sonşalıq köp adamnıñ qasında azdap qısıla da bastadı.

Alañğa jetip alıp, orın tauıp otırğan kezimizde ülken köşe men metronıñ işinen ülken kolonna şığıp kele bastadı. Endi ğana tüsingen edim ne bop jatqanın:
– Apa, bügin bizge tarihi oqiğağa kuä bolu bwyırıp twr-au.
– Qanday uaqiğa?
– Biz köterilistiñ işinde otırmız, apa. Ne boların köreyik endi.
– Oybay, anau miting degenderi osı ma? Tınış qoy mınalarıñ.
– Beybit şeru ğoy, endi
– Aaaa, oypırmay-ä?!
Biraz otırdıq şerudiñ qasında. Jağalauğa ötetin jerdi jauıp qoydı. Bir kezde qasımızda twrğan jas gonkoñdıq qıtay jigitter keldi de sıpayı türde:
– Keşiriñiz, qazir mına jerge tağı ülken kolonnamız kele jatır. Anañız qısılıp qaluı mümkin. Ülken kisi ğoy, eñ dwrısı anañızdı qonaqüy jaqqa aparğanıñız jön bolar! – dedi.

Apamdı qonaqüyge kirgizdim de özim dalağa şıqtım. Şeru bastalğan eken. Ortadağı ülken dañğıl arqılı qalanıñ ortalıq-batıs jolımen aral böligine qaray jol aldı meniñşe. Bwl şeruge bäri derlik qara kiimmen şığıptı. Policiya qızmetkerleri boldı. Şeteldikterge sıpayı türde sırttan baqılaudı wsınıp jattı. Meniñ üstimde qara mäyki bolğanı üşin eşteñe degen joq. Äytse de öte beybit ötti. Şeruşiler tipti, qala tınıştığın bwzbau üşin zoraytar dıbıspen basqarudıñ ornına jalpığa ortaq qol belgilerin oylap tapqan eken. Bwrılatın, toqtaytın, wrandaytın, jüretin barlıq äkşinnen aldın barlığı qolmen işarat jasap wyımdasıp jattı.

Bwl şeru Gonkoñ territoriyasında wstalğan jäne sottalğan adamdardı Qıtay Ükimetine (QHR) beru jaylı zañğa qarsı ötip jatır. Qanşa aptadan beri tolastağan joq. Jalpı, Gonkoñ qıtayları wnadı mağan. "İzgilengen qoğamdar primerno osınday boladı eken ğoy" dep şerudiñ artınan qimay qoştasıp twrdıq bir afrikalıq, bir arab jäne men. Äp-sätte jañbır tamşılay bastadı. Şeru bir-aq mezette qolşatırlar galereyasına aynalıp kete bardı...

«NurOtan beybit miting ötkizipti ğoy...» dep qwlağımnan bireu sıbırlağanday ma..?

Sadıq Şerimbektiñ facebook paraqşasınan

Abai.kz

0 pikir